கோயம்பேடு மார்க்கெட்டில் வரத்து குறைவால் பீன்ஸ்-கேரட் விலை அதிகரிப்பு

போரூர்:

கோயம்பேடு, காய்கறி மார்க்கெட்டில் வரத்து குறைவால் ஊட்டி கேரட், பீன்ஸ் ஆகிய காய்கறிகளின் விலை திடீரென அதிகரித்து உள்ளது.

மொத்த விற்பனையில் ஊட்டி கேரட் ஒரு கிலோ ரூ.60-க்கும், பீன்ஸ் கிலோ ரூ.65-க்கும் விற்கப்படுகிறது. அவரைக்காய், வெண்டைக்காய், கத்தரிக்காய், பாகற்காய் மொத்த விற்பனையில் ஒரு கிலோ ரூ.20 முதல் ரூ.25 வரை மட்டுமே விற்பனை ஆகி வருகிறது. வெளி மார்க்கெட்டில் உள்ள காய்கறி கடைகளில் பீன்ஸ், கேரட் ஆகிய காய்கறிகள் ஒரு கிலோ ரூ.80 முதல் ரூ.90 வரை விற்கப்படுகிறது.

கோடை வெயிலின் தாக்கம் அதிகரித்து வருவதால் கோயம்பேடு சந்தைக்கு வரும் பீன்ஸ் வரத்து வெகுவாக குறைந்துள்ளதால் அதன் விலை அதிகரித்து உள்ளதாக மொத்த வியாபாரிகள் தெரிவித்து உள்ளனர்.