என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
சென்னை புளியந்தோப்பில் அண்ணா பல்கலைக்கழக ஊழியர் வீட்டில் 90 பவுன் நகை கொள்ளை
Byமாலை மலர்7 Sep 2020 3:26 AM GMT (Updated: 7 Sep 2020 3:26 AM GMT)
சென்னை புளியந்தோப்பில் உள்ள அண்ணா பல்கலைக்கழக ஊழியர் வீட்டில் 90 பவுன் நகை, 20 கிலோ வெள்ளி பொருட்களை மர்மநபர்கள் கொள்ளையடித்து சென்றனர்.
திரு.வி.க.நகர்:
சென்னை புளியந்தோப்பு அம்மையம்மன் தெருவைச் சேர்ந்தவர் முகமது ஜூனை(வயது 24). இவர், அண்ணா பல்கலைக்கழகத்தில் தற்காலிக பணியாளராக வேலை செய்து வருகிறார்.
நேற்று ஞாயிற்றுக்கிழமை விடுமுறை என்பதால் வீட்டில் இருந்த முகமது ஜூனை, இரவு 7 மணியளவில் வீட்டை பூட்டிவிட்டு தனது குடும்பத்தினருடன் பெரம்பூரில் உள்ள தனது உறவினர் வீட்டுக்கு சென்றுவிட்டார்.
இரவு 9.30 மணியளவில் மீண்டும் வீட்டுக்கு திரும்பி வந்தார். அப்போது வீட்டின் பூட்டு உடைக்கப்பட்டு இருப்பதை கண்டு அதிர்ச்சி அடைந்தார். வீட்டின் உள்ளே சென்று பார்த்தபோது, பீரோ உடைக்கப்பட்டு அதில் இருந்த துணிகள், பொருட்கள் அனைத்தும் அறை முழுவதும் சிதறிக்கிடந்தது.
பீரோவில் பார்த்தபோது அதில் வைத்து இருந்த 90 பவுன் நகை, 20 கிலோ வெள்ளி பொருட்கள் மற்றும் ரூ.10 ஆயிரம் ஆகியவற்றை மர்மநபர்கள் கொள்ளையடித்து சென்று இருப்பது தெரிந்தது.
முகமதுஜூனை குடும்பத்தினருடன் வெளியே செல்வதை நோட்டமிட்ட மர்மநபர்கள், வீட்டின் பூட்டை உடைத்து கைவரிசையை காட்டி உள்ளனர். இதுபற்றி தகவல் அறிந்து வந்த புளியந்தோப்பு போலீசார், கண்காணிப்பு கேமராவில் பதிவான காட்சிகளை வைத்து கொள்ளையர்களை தேடி வருகின்றனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X