மேட்டூர் அணை நீர்மட்டம் 100 அடியாக சரிவு

மேட்டூர்:

காவிரி நீர்பிடிப்பு பகுதிகளில் பெய்த மழையால் மேட்டூர் அணைக்கு கடந்த 7 மாதமாக தொடர்ந்து தண்ணீர் வந்து கொண்டிருக்கிறது.

நேற்று 1,866 கன அடியாக இருந்த நீர்வரத்து இன்று 1,513 கன அடியாக வந்து கொண்டிருக்கிறது. அணையில் இருந்து நேற்று மாலை முதல் தண்ணீர் திறப்பு அதிகரிக்கப்பட்டு 12 ஆயிரத்து 900 கன அடி தண்ணீர் பாசனத்திற்காக திறந்து விடப்பட்டுள்ளது.

அணைக்கு வரும் தண்ணீரை விட அணையில் இருந்து பல மடங்கு கூடுதல் தண்ணீர் திறந்து விடப்படுவதால் அணையின் நீர்மட்டம் வேகமாக சரிந்து வருகிறது.

நேற்று 100.74 அடியாக இருந்த மேட்டூர் அணையின் நீர்மட்டம் இன்று மேலும் சரிந்து 100 அடியாக இருந்தது. இனி வரும் நாட்களில் மேட்டூர் அணை நீர்மட்டம் மேலும் சரிய வாய்ப்புள்ளது. #MetturDam