சென்னை சென்டிரல்-கோவை சிறப்பு கட்டண ரெயில்- 22-ந்தேதி இயக்கப்படுகிறது

சென்னை:

பயணிகள் கூட்ட நெரிசலை தவிர்க்கும் வகையில் வருகிற 22-ந்தேதி இரவு 10.30 மணிக்கு, சென்னை சென்டிரலில் இருந்து கோவை நோக்கி சிறப்பு கட்டண ரெயில் (வண்டி எண்: 06043) இயக்கப்பட இருக்கிறது. இந்த ரெயில் மறுநாள் காலை 6.45 மணிக்கு கோவையை சென்றடையும்.

இந்த சிறப்பு கட்டண ரெயிலில் ஒரு மூன்றடுக்கு ஏ.சி. பெட்டி, 6 இரண்டாம் வகுப்பு படுக்கை வசதி பெட்டிகள், 9 பொது இரண்டாம் வகுப்பு பெட்டிகள் இணைக்கப்பட்டு இருக்கின்றன. இந்த ரெயில் அரக்கோணம், காட்பாடி, ஜோலார்ப்பேட்டை, சேலம், ஈரோடு, திருப்பூர் உள்ளிட்ட ரெயில் நிலையங்களில் நின்று செல்லும்.

மேற்கண்ட தகவல் தெற்கு ரெயில்வே வெளியிட்டுள்ள செய்திக்குறிப்பில் குறிப்பிடப்பட்டு உள்ளது. #tamilnews