பிரெஞ்சு ஓபன் டென்னிஸ்: அல்காரஸ், முசெட்டி 4வது சுற்றுக்கு முன்னேற்றம்

பாரிஸ்:

பிரெஞ்சு ஓபன் டென்னிஸ் தொடர் பிரான்ஸ் தலைநகர் பாரீசில் நடைபெற்று வருகிறது.

இதில் ஆண்கள் ஒற்றையர் பிரிவின் 3வது சுற்று ஆட்டத்தில் ஸ்பெயினின் கார்லோஸ் அல்காரஸ், போஸ்னியாவின் டாமிர் டூமுர் உடன் மோதினார்.

இதில் சிறப்பாக ஆடிய அல்காரஸ் முதல் இரு செட்களை 6-1, 6-3 என வென்றார். 3வது செட்டை டாமிர் 6-4 என கைப்பற்றினார். 4-வது செட்டை அல்காரஸ் 6-4 என்ற செட் கணக்கில் வென்று அடுத்த சுற்றுக்கு முன்னேறினார்.

மற்றொரு போட்டியில் இத்தாலியின் லாரன்சோ முசெட்டி 4-6, 6-4, 6-3, 6-2 என்ற செட் கணக்கில் அர்ஜெண்டினாவின் மரினோ நவோனேவை வீழ்த்தி நான்காவது சுற்றுக்கு முன்னேறினார்.