என் மலர்
விளையாட்டு
ஆசிய விளையாட்டு போட்டி: கபடி, கிரிக்கெட்டில் தங்கம் வென்று இந்தியா அசத்தல்- பதக்கம் 107ஆனது! லைவ் அப்டேட்ஸ்
19-வது ஆசிய விளையாட்டு போட்டி சீனாவின் ஹாங்சோவ் நகரில் நடந்து வருகிறது. இதில் 45 நாடுகளைச் சேர்ந்த 12,400 வீரர், வீராங்கனைகள் பங்கேற்றுள்ளனர்.
கபடி பெண்கள் பிரிவில் இந்தியா, சீன தைபே அணியை போராடி 26-24 என்ற கணக்கில் வீழ்த்தி தங்கம் வென்றது. இது இந்தியாவுக்கு 100-வது பதக்கமாக அமைந்தது.
ஏற்கனவே, வில்வித்தையில் இந்தியா 2 தங்கம், 1 வெள்ளி, வெண்கலம் வென்றுள்ளது.
இந்நிலையில், இந்திய அணி இதுவரை 28 தங்கம், 38 வெள்ளி, 41 வெண்கலம் என மொத்தம் 107 பதக்கங்களைப் பெற்றுள்ளது. பதக்கப் பட்டியலில் இந்தியா தொடர்ந்து 4-வது இடத்தில் நீடிக்கிறது.
Live Updates
- 25 Sept 2023 1:38 PM IST
டென்னிசில் பெண்கள் இரட்டையர் பிரிவின் முதல் சுற்றில் இந்தியாவின் கர்மன் கவுர் தண்டி, ருதுராஜ் போஸ்லே ஜோடி, கஜகஸ்தான் ஜோடியை 6-4, 6-2 என வீழ்த்தி அடுத்த சுற்றுக்கு முன்னேறியது.
- 25 Sept 2023 1:32 PM IST
இந்தியாவுக்கு எதிரான இறுதிப்போட்டியில் இலங்கை பெண்கள் அணி 3வது விக்கெட்டை இழந்துள்ளது.
25 Sept 2023 1:24 PM ISTஇந்தியாவின் டிடாஸ் சாது ஒரே ஓவரில் 2 விக்கெட் வீழ்த்தி அசத்தினார். இலங்கை அணி 3 ஓவரில் 2 விக்கெட்டுக்கு 13 ரன்கள் எடுத்துள்ளது.
- 25 Sept 2023 1:21 PM IST
இந்தியாவுக்கு எதிரான இறுதிப்போட்டியில் இலங்கை பெண்கள் அணி முதல் விக்கெட்டை இழந்துள்ளது.
- 25 Sept 2023 12:58 PM IST
இலங்கைக்கு எதிரான இறுதிப்போட்டியில் இந்திய பெண்கள் அணி நிர்ணயிக்கப்பட்ட 20 ஓவரில் 7 விக்கெட் இழப்புக்கு 116 ரன்கள் எடுத்துள்ளது. ஜெமிமா ரோட்ரிக்ஸ் 42 ரன்னில் அவுட்டானார்.
இதையடுத்து, 117 ரன்கள் எடுத்தால் வெற்றி என்ற இலக்குடன் இலங்கை அணி களமிறங்குகிறது.
- 25 Sept 2023 12:50 PM IST
இலங்கைக்கு எதிரான இறுதிப்போட்டியில் இந்திய பெண்கள் அணி கேப்டன் மன்பிரித் சிங் 4வது விக்கெட்டாக 2 ரன்னில் அவுட்டானார். இந்தியா 18 ஓவரில் 4 விக்கெட் இழப்புக்கு 106 ரன்கள் எடுத்துள்ளது.
- 25 Sept 2023 12:44 PM IST
இலங்கைக்கு எதிரான இறுதிப்போட்டியில் இந்திய பெண்கள் அணியின் ரிச்சா கோஷ் 3வது விக்கெட்டாக 9 ரன்னில் அவுட்டானார். இந்தியா 17 ஓவரில் 3 விக்கெட் இழப்புக்கு 103 ரன்கள் எடுத்துள்ளது.
- 25 Sept 2023 12:38 PM IST
இலங்கைக்கு எதிரான இறுதிப்போட்டியில் இந்திய பெண்கள் அணியின் ஸ்மிருதி மந்தனா 2வது விக்கெட்டாக 46 ரன்னில் அவுட்டானார்.
- 25 Sept 2023 12:14 PM IST
டென்னிஸ் இரட்டையர் பிரிவில் இந்தியாவின் ரோகன் போபண்ணா, யூகி பாம்ப்ரி ஜோடி 2வது சுற்றில் 6-2, 3-6, 6-10 என்ற செட் கணக்கில் தோல்வி அடைந்தது.
- 25 Sept 2023 12:08 PM IST
துப்பாக்கிச் சுடுதலில் ஆண்கள் தனிநபர் பிரிவில் 25 மீட்டர் ரேபிட் பயர் பிஸ்டல் சுற்றில் இந்தியாவின் விஜய் வீர் சித்து 4வது இடம்பிடித்து வெண்கலப் பதக்கத்தை தவறவிட்டார்.
