என் மலர்
விளையாட்டு
ஆசிய விளையாட்டு போட்டி: கபடி, கிரிக்கெட்டில் தங்கம் வென்று இந்தியா அசத்தல்- பதக்கம் 107ஆனது! லைவ் அப்டேட்ஸ்
19-வது ஆசிய விளையாட்டு போட்டி சீனாவின் ஹாங்சோவ் நகரில் நடந்து வருகிறது. இதில் 45 நாடுகளைச் சேர்ந்த 12,400 வீரர், வீராங்கனைகள் பங்கேற்றுள்ளனர்.
கபடி பெண்கள் பிரிவில் இந்தியா, சீன தைபே அணியை போராடி 26-24 என்ற கணக்கில் வீழ்த்தி தங்கம் வென்றது. இது இந்தியாவுக்கு 100-வது பதக்கமாக அமைந்தது.
ஏற்கனவே, வில்வித்தையில் இந்தியா 2 தங்கம், 1 வெள்ளி, வெண்கலம் வென்றுள்ளது.
இந்நிலையில், இந்திய அணி இதுவரை 28 தங்கம், 38 வெள்ளி, 41 வெண்கலம் என மொத்தம் 107 பதக்கங்களைப் பெற்றுள்ளது. பதக்கப் பட்டியலில் இந்தியா தொடர்ந்து 4-வது இடத்தில் நீடிக்கிறது.
Live Updates
- 26 Sept 2023 7:11 PM IST
ஸ்குவாஷ் ஆண்கள் பிரிவு ஏ, போட்டி 17ல் இந்தியா - கத்தார் அணிகள் மோதின. இப்போட்டியில் கத்தாரை 3-0 என்ற புள்ளி கணக்கில் வீழ்த்தி இந்திய அணி அபார வெற்றிபெற்றது. நாளை நடைபெற உள்ள அடுத்த சுற்றில் இந்திய அணி குவைத்திடம் மோத உள்ளது.
- 26 Sept 2023 7:08 PM IST
வாலிபால் போட்டியில் 5வது மற்றும் 6வது இடத்திற்கான போட்டி நடைபெற்றது. இதில் இந்தியா - பாகிஸ்தான் அணிகள் மோதின. இப்போட்டியில் இந்தியாவை 0-3 என்ற புள்ளிகள் கணக்கில் வீழ்த்தி பாகிஸ்தான் அபார வெற்றிபெற்றது. இந்த வெற்றியின் மூலம் பாகிஸ்தான் 5ம் இடம் பிடித்தது. அதேவேளை தோல்வியடைந்த இந்தியா பட்டியலில் 6ம் இடம் பிடித்தது.
- 26 Sept 2023 6:38 PM IST
ஆண்களுக்கான 1500 மீட்டர் நீச்சல் போட்டியில் ப்ரீஸ்டைல் பிரிவில் இந்தியா சார்பில் விளையாடிய ஆர்யன் நெஹ்ரா மற்றும் ராவத் குஷாக்ரா தோல்வியடைந்தனர்.
26 Sept 2023 6:11 PM ISTஆசிய விளையாட்டில், ஜூடோவில் பெண்கள 78 கிலோ எடை பிரிவில் வெண்கல பதக்கத்திற்கான போட்டியில் இந்திய வீராங்கனை துலிகா மென் மங்கோலிய வீராங்கனையிடம் தோல்வி.
- 26 Sept 2023 4:55 PM IST
டென்னிஸ் கலப்பு இரட்டையர் பிரிவில் 2வது சுற்றில் 6-0, 6-0 என்ற செட் கணக்கில் பாகிஸ்தானை வீழ்த்தி இந்தியா வெற்றி.
- 26 Sept 2023 3:51 PM IST
டென்னிஸ் ஆண்கள் ஒற்றையர் பிரிவில் மூன்றாவது சுற்றில் இந்திய வீரர் ஸ்மித் நாகல் 7-6, 6-4 என்ற செட் கணக்கில் கஜகஸ்தான் வீரரை வீழ்த்தி வென்றார்.
- 26 Sept 2023 3:34 PM IST
ஆசிய விளையாட்டில், குதிரையேற்றம் பிரிவில் இந்தியா 40 ஆண்டுகளுக்குப் பிறகு தங்கம் வென்றுள்ளது குறிப்பிடத்தக்கது.
- 26 Sept 2023 3:16 PM IST
ஆசிய விளையாட்டில், குதிரை ஏற்றம் போட்டியில் இந்திய வீரர்கள் அனுஷ், ஹிருதய், திய்வாகிருதி மற்றும் சுதிப்தி ஆகியோர் 209.205 புள்ளிகள் பெற்று தங்கம் வென்றனர்.
- 26 Sept 2023 1:43 PM IST
ஆண்கள் குத்துச்சண்டை 57 கிலோ பிரிவில் இந்தியாவின் சச்சின் சிவாச் இந்தோனேசிய வீரரை 5-0 என்ற கணக்கில் வீழ்த்தி காலிறுதிக்கு முந்தைய சுற்றுக்கும் முன்னேறினார்.
- 26 Sept 2023 1:31 PM IST
பாய்மர படகு போட்டியில் ஆண்கள் WINDSURFER RSX பிரிவில் இந்தியாவின் எபாட் அலி வெண்கலப் பதக்கம் வென்றார். இதன்மூலம் இந்திய அணி 2 தங்கம், 4 வெள்ளி, 7 வெண்கலம் என மொத்தம் 13 பதக்கங்களைப் பெற்றுள்ளது.
