என் மலர்
விளையாட்டு
ஆசிய விளையாட்டு போட்டி: கபடி, கிரிக்கெட்டில் தங்கம் வென்று இந்தியா அசத்தல்- பதக்கம் 107ஆனது! லைவ் அப்டேட்ஸ்
19-வது ஆசிய விளையாட்டு போட்டி சீனாவின் ஹாங்சோவ் நகரில் நடந்து வருகிறது. இதில் 45 நாடுகளைச் சேர்ந்த 12,400 வீரர், வீராங்கனைகள் பங்கேற்றுள்ளனர்.
கபடி பெண்கள் பிரிவில் இந்தியா, சீன தைபே அணியை போராடி 26-24 என்ற கணக்கில் வீழ்த்தி தங்கம் வென்றது. இது இந்தியாவுக்கு 100-வது பதக்கமாக அமைந்தது.
ஏற்கனவே, வில்வித்தையில் இந்தியா 2 தங்கம், 1 வெள்ளி, வெண்கலம் வென்றுள்ளது.
இந்நிலையில், இந்திய அணி இதுவரை 28 தங்கம், 38 வெள்ளி, 41 வெண்கலம் என மொத்தம் 107 பதக்கங்களைப் பெற்றுள்ளது. பதக்கப் பட்டியலில் இந்தியா தொடர்ந்து 4-வது இடத்தில் நீடிக்கிறது.
Live Updates
- 2 Oct 2023 7:54 AM IST
தடகளம்:
800 மீட்டர் ஓட்டத்தில் இந்திய வீரர்கள் முகமது அப்சல் மற்றும் கிரிஷன் குமார் இருவரும் இறுதி போட்டிக்கு முன்னேறியுள்ளனர். முகமது அஃப்சல் 1:46.79 ஹீட் நேரத்தில் கடந்து முதலிடமும் கிரிஷன் குமார் தனது ஹீட்டில் 1:49.45 நேரத்தில் 2வது இடத்தையும் பிடித்தார்.
2 Oct 2023 7:46 AM ISTரோலர் ஸ்கேட்டிங்:
ரோலர் ஸ்கேட்டிங் ஆண்களுக்கான 3000 மீட்டர் ரிலே பந்தயத்தில் ஆர்யன்பால், ஆனந்த், சித்தாந்த் மற்றும் விக்ரம் ஆகியோர் அடங்கிய இந்திய அணி வெண்கலப்பதக்கம் வென்றது.
- 2 Oct 2023 7:34 AM IST
ரோலர் ஸ்கேட்டிங்:
ரோலர் ஸ்கேட்டிங் பெண்கள் ஸ்பீடு ஸ்கேட்டிங் 3000 மீட்டர் ரிலே ரேஸ் போட்டியில் இந்திய வீராங்கனைகளான ஆரத்தி கஸ்தூரி ராஜ், ஹீரல், சஞ்சனா மற்றும் கார்த்திகா ஆகியோர் வெண்கலம் வென்றனர்.
- 2 Oct 2023 7:30 AM IST
வில்வித்தை:
வில்வித்தை ரிகர்வ் கலப்பு குழு 1/8 எலிமினேட்டர் சுற்று போட்டி 3ல் இந்தியா- மலேசியா மோதின. இப்போட்டியில் மலேசியாவை 6-2 என்ற புள்ளி கணக்கில் வீழ்த்தி இந்தியா அபார வெற்றி பெற்றது. இந்திய அணியில் அங்கிதா, அதனுதாஸ் இடம்பெற்றிருந்தனர். இந்த வெற்றியின் மூலம் இந்தியா காலிறுதிக்கு தகுதி பெற்றுள்ளது.
- 2 Oct 2023 7:29 AM IST
ஆசிய விளையாட்டு தொடரின் 10வது நாளான இன்று பல்வேறு போட்டிகள் நடைபெற்று வருகிறது. 13 தங்கம், 21 வெள்ளி, 19 வெண்கலம் என மொத்தம் 53 பதக்கங்களுடன் இந்தியா பதக்க பட்டியலில் 4ம் இடத்தில் உள்ளது.
- 1 Oct 2023 9:06 PM IST
ஆசிய விளையாட்டில் இந்தியாவுக்கு இன்று மொத்தம் 15 பதக்கங்கள். இதில் 3 தங்கம், 7 வெள்ளி மற்றும் 5 வெண்கலம் அடங்கும்.
- 1 Oct 2023 7:47 PM IST
பேட்மிண்டன்:
ஆண்களுக்கான பேட்மிண்டன் போட்டியில் இந்திய அணிக்கு வெள்ளி பதக்கம் கிடைத்துள்ளது. ஆசிய விளையாட்டு பேட்மிண்டன் போட்டியில் இந்திய அணி வெள்ளி வென்றிருப்பது இதுவே முதல் முறை என்பது குறிப்பிடத்தக்கது.
- 1 Oct 2023 7:22 PM IST
தடை ஓட்டம்:
100 மீட்டர் தடை ஓட்டம் போட்டியில் சீன வீராங்கனை தகுதிநீக்கம் செய்யப்பட்டதை தொடர்ந்து இந்தியாவின் ஜோதி யாராஜிக்கு வெள்ளி பதக்கம்.
- 1 Oct 2023 6:53 PM IST
வட்டு எறிதல்:
பெண்களுக்கான வட்டு எறிதல் போட்டியில் இந்தியாவின் சீமா புனியா வெண்கல பதக்கம் வென்று அசத்தல்.
- 1 Oct 2023 6:27 PM IST
நீளம் தாண்டுதல்:
நீளம் தாண்டுதலில் வெள்ளி பதக்கம் வென்றார் இந்தியாவின் முரளி ஸ்ரீசங்கர்.
