என் மலர்
விளையாட்டு
ஆசிய விளையாட்டு போட்டி: கபடி, கிரிக்கெட்டில் தங்கம் வென்று இந்தியா அசத்தல்- பதக்கம் 107ஆனது! லைவ் அப்டேட்ஸ்
19-வது ஆசிய விளையாட்டு போட்டி சீனாவின் ஹாங்சோவ் நகரில் நடந்து வருகிறது. இதில் 45 நாடுகளைச் சேர்ந்த 12,400 வீரர், வீராங்கனைகள் பங்கேற்றுள்ளனர்.
கபடி பெண்கள் பிரிவில் இந்தியா, சீன தைபே அணியை போராடி 26-24 என்ற கணக்கில் வீழ்த்தி தங்கம் வென்றது. இது இந்தியாவுக்கு 100-வது பதக்கமாக அமைந்தது.
ஏற்கனவே, வில்வித்தையில் இந்தியா 2 தங்கம், 1 வெள்ளி, வெண்கலம் வென்றுள்ளது.
இந்நிலையில், இந்திய அணி இதுவரை 28 தங்கம், 38 வெள்ளி, 41 வெண்கலம் என மொத்தம் 107 பதக்கங்களைப் பெற்றுள்ளது. பதக்கப் பட்டியலில் இந்தியா தொடர்ந்து 4-வது இடத்தில் நீடிக்கிறது.
Live Updates
- 5 Oct 2023 7:56 AM IST
பேட்மிண்டன் பெண்கள் ஒற்றையர் பிரிவு காலிறுதியில் இந்தியாவின் பி.வி.சிந்து சீன வீராங்கனையிடம் 16-21 என்ற கணக்கில் முதல் செட்டை இழந்தார்.
- 5 Oct 2023 7:44 AM IST
மல்யுத்தம் பெண்கள் 53 கிலோ ப்ரீ ஸ்டைல் பிரிவில் இந்தியாவின் அன்டிம் பங்கால் 11-0 என்ற கணக்கில் வென்று காலிறுதிக்கு முன்னேறினார்.
- 5 Oct 2023 7:37 AM IST
பேட்மிண்டன் பெண்கள் ஒற்றையர் பிரிவு காலிறுதியில் இந்தியாவின் பி.வி.சிந்து சீன வீராங்கனையுடன் மோதி வருகிறார்.
- 5 Oct 2023 7:33 AM IST
தடகளத்தில் இந்தியா 6 தங்கம், 14 வெள்ளி மற்றும் 9 வெண்கலம் என மொத்தம் 29 பதக்கங்களைப் பெற்றுள்ளது. கடந்த முறையை விட இம்முறை 9 பதக்கங்களை கூடுதலாகப் பெற்றுள்ளது.
- 5 Oct 2023 7:17 AM IST
செபக்டக்ரா ஆண்கள் ரெக் குரூப் பி சுற்றில் தாய்லாந்திடம் இந்தியா தோல்வி அடைந்தது.
- 5 Oct 2023 7:16 AM IST
ரோலர் ஸ்கேட்டிங் பெண்கள் இன்லைன் ப்ரிஸ்டைல் ஸ்கேட்டிங் ஸ்பீடு ஸ்லாலோம் பிரிவில் இந்திய வீராங்கனைகள் காலிறுதிக்கான வாய்ப்பை இழந்தனர்.
- 5 Oct 2023 7:13 AM IST
ஆண்களுக்கான மாரத்தான் இறுதிப்போட்டியில் இந்தியாவின் மான் சிங் 8வது இடம், பெல்லியப்பா போப்பையா 12-வது இடம் பிடித்தனர்.
5 Oct 2023 6:36 AM ISTவில்வித்தை பெண்கள் காம்பவுண்டு பிரிவு காலிறுதியில் இந்தியாவின் ஜோதி சுரேகா வெண்ணம், அதிதி கோபிசந்த் ஸ்வாமி மற்றும் பர்னீத் கவுர் ஆகியோர் அடங்கிய அணி ஹாங்காங்குடன் மோதியது.
இதில் இந்திய அணி 231-220 என்ற கணக்கில் வென்று அரையிறுதிக்கு முன்னேறியது.
- 5 Oct 2023 6:19 AM IST
வில்வித்தை பெண்கள் காம்பவுண்டு பிரிவு காலிறுதியில் இந்திய அணி ஹாங்காங்குடன் விளையாடி வருகிறது.
- 4 Oct 2023 8:12 PM IST
ஆசிய விளையாட்டில் 11-ம் நாள் முடிவில் இந்தியா 81 பதக்கங்களை வென்று தொடர்ந்து நான்காவது இடத்தில் உள்ளது. இதில் 18 தங்கம், 31 வெள்ளி மற்றும் 32 வெண்கலம் பதக்கங்கள் அடங்கும்.
