என் மலர்
விளையாட்டு
ஆசிய விளையாட்டு போட்டி: கபடி, கிரிக்கெட்டில் தங்கம் வென்று இந்தியா அசத்தல்- பதக்கம் 107ஆனது! லைவ் அப்டேட்ஸ்
19-வது ஆசிய விளையாட்டு போட்டி சீனாவின் ஹாங்சோவ் நகரில் நடந்து வருகிறது. இதில் 45 நாடுகளைச் சேர்ந்த 12,400 வீரர், வீராங்கனைகள் பங்கேற்றுள்ளனர்.
கபடி பெண்கள் பிரிவில் இந்தியா, சீன தைபே அணியை போராடி 26-24 என்ற கணக்கில் வீழ்த்தி தங்கம் வென்றது. இது இந்தியாவுக்கு 100-வது பதக்கமாக அமைந்தது.
ஏற்கனவே, வில்வித்தையில் இந்தியா 2 தங்கம், 1 வெள்ளி, வெண்கலம் வென்றுள்ளது.
இந்நிலையில், இந்திய அணி இதுவரை 28 தங்கம், 38 வெள்ளி, 41 வெண்கலம் என மொத்தம் 107 பதக்கங்களைப் பெற்றுள்ளது. பதக்கப் பட்டியலில் இந்தியா தொடர்ந்து 4-வது இடத்தில் நீடிக்கிறது.
Live Updates
- 5 Oct 2023 10:25 AM IST
மல்யுத்தம் பெண்கள் 57 கிலோ ப்ரீ ஸ்டைல் பிரிவில் இந்தியாவின் மான்சி அஹல்வாட், வெண்கலப் பதக்கத்துக்கான போட்டியில் உஸ்பெகிஸ்தான் வீராங்கனையுடன் இன்று மதியம் மோதுகிறார்.
- 5 Oct 2023 9:59 AM IST
மல்யுத்தம் பெண்கள் 50 கிலோ ப்ரீ ஸ்டைல் பிரிவு அரையிறுதியில் இந்தியாவின் பூஜா கெலாட் 1-10 என்ற கணக்கில் ஜப்பான் வீராங்கனையிடம் தோல்வி அடைந்தார்.
5 Oct 2023 9:38 AM ISTவில்வித்தை பெண்கள் காம்பவுண்டு பிரிவு இறுதியில் இந்தியாவின் ஜோதி சுரேகா வெண்ணம், அதிதி கோபிசந்த் ஸ்வாமி மற்றும் பர்னீத் கவுர் ஆகியோர் அடங்கிய அணி சீன தைபேயுடன் மோதியது.
இதில் இந்திய அணி 230-228 என்ற கணக்கில் வென்று தங்கம் வென்றது.
- 5 Oct 2023 9:12 AM IST
ஆண்கள் கபடியில் இந்திய அணி சீன தைபே அணியை 50-27 என வீழ்த்தி அபார வெற்றி பெற்றது.
- 5 Oct 2023 9:09 AM IST
மல்யுத்தம் பெண்கள் 57 கிலோ ப்ரீ ஸ்டைல் பிரிவு காலிறுதியில் இந்தியாவின் மான்சி அஹல்வாட் 2-6 என்ற கணக்கில் ஜப்பான் வீராங்கனையிடம் தோல்வி அடைந்தார்.
- 5 Oct 2023 8:59 AM IST
மல்யுத்தம் பெண்கள் 50 கிலோ ப்ரீ ஸ்டைல் பிரிவு காலிறுதியில் இந்தியாவின் பூஜா கெலாட் 5-0 என்ற கணக்கில் மங்கோலியா வீராங்கனையை வென்று அரையிறுதிக்கு முன்னேறினார்.
- 5 Oct 2023 8:57 AM IST
மல்யுத்தம் பெண்கள் 53 கிலோ ப்ரீ ஸ்டைல் பிரிவு காலிறுதியில் இந்தியாவின் அன்டிம் பங்கால், ஜப்பான் வீராங்கனையிடம் தோல்வி அடைந்தார்.
- 5 Oct 2023 8:20 AM IST
வில்வித்தை பெண்கள் காம்பவுண்டு பிரிவு அரையிறுதியில் இந்தியாவின் ஜோதி சுரேகா வெண்ணம், அதிதி கோபிசந்த் ஸ்வாமி மற்றும் பர்னீத் கவுர் ஆகியோர் அடங்கிய அணி இந்தோனேசியாவுடன் மோதியது.
இதில் இந்திய அணி 233-219 என்ற கணக்கில் வென்று இறுதிப்போட்டிக்கு முன்னேறியது.
- 5 Oct 2023 8:18 AM IST
பேட்மிண்டன் பெண்கள் ஒற்றையர் பிரிவு காலிறுதியில் இந்தியாவின் பி.வி.சிந்து சீன வீராங்கனையிடம் 16-21, 12-21 என்ற நேர் செட்களில் தோல்வி அடைந்தார்.
- 5 Oct 2023 8:04 AM IST
மல்யுத்தம் பெண்கள் 50 கிலோ ப்ரீ ஸ்டைல் பிரிவில் இந்தியாவின் பூஜா கெலாட் 10-0 என்ற கணக்கில் வென்று காலிறுதிக்கு முன்னேறினார்.
