வீடியோ: ஒரே ஓவரில் தொடர்ச்சியாக 5 விக்கெட் வீழ்த்தி மாஸ் காட்டிய திக்வேஷ் ரதி

நடந்து முடிந்த ஐபிஎல் 2025-ல் லக்னோ சூப்பர் ஜெயண்ட்ஸ் (LSG) அணிக்காக லெக் ஸ்பின்னர் திக்வேஷ் ரதி அறிமுகமானார். இவர் தனது சிறப்பான பந்து வீச்சின் மூலம் மிகவும் பிரபலமானவர். குறிப்பாக அவர் நோட் புக் கொண்டாட்டத்தின் மூலம் பலமுறை அபராதம் வாங்கினார்.

இந்நிலையில் உள்ளூர் டி20 லீக்கில் ஒரு ஓவரில் 5 பந்தில் 5 விக்கெட்டுகளை கைப்பற்றி அசத்தி உள்ளார். இது தொடர்பான வீடியோ சமூக வலைதளங்களில் வைரலாகி வருகிறது.

முன்னதாக, சஹகல் கிரிக்கெட் கிளப் (SCC) முதலில் பேட்டிங் செய்து 20 ஓவர்களில் 263 ரன்கள் எடுத்தது. அதிகபட்சமாக சிவம் சவுத்ரி 42 பந்துகளில் 98 ரன்கள் எடுத்தார். இதில் 7 பவுண்டரிகள் மற்றும் 9 சிக்சர்கள் விளாசினார்.

இதனை தொடர்ந்து விளையாடிய ஏபி ரைசிங் அணி 151 ரன்கள் மட்டுமே எடுத்து 112 ரன்கள் வித்தியாசத்தில் தோல்வியடைந்தது. குறிப்பாக 151 ரன்களுக்கு 5 விக்கெட்டை மட்டும் இழந்த அந்த அணி, 151 ரன்னிலே ஆல் அவுட்டும் ஆனது குறிப்பிடத்தக்கது.