மூத்தோர் தடகள போட்டி-சேலம் முதியவர் தங்கம் வென்றார்

சேலம்:

மதுரை நாகமலையில் 29 -வது மாநில மூத்தோர் தடகள போட்டிகள் நடைபெற்றன. இதில் 75 வயதுக்கு மேற்பட்டோர் பிரிவில் சேலம் பெரமனூரை சேர்ந்த மாணிக்கவாசகம் (வயது 75) என்பவர் கலந்து கொண்டு விளையாடினார். 

இதில் 5 ஆயிரம் மீட்டர் ஓட்டம், ஆயிரம் மீட்டர் ஓட்டத்தில் அவர் வெள்ளிப் பதக்கமும், 800 மீட்டர் ஓட்டத்தில் தங்கப்பதக்கமும் வென்றார்.

 இதைத்தொடர்ந்து வருகிற 27 -ந் தேதி முதல் சென்னையில் நடைபெற உள்ள அகில இந்திய விளையாட்டு போட்டியில் பங்கேற்க அவர் தகுதி  பெற்றுள்ளார்.