சஞ்சு சாம்சனால் உலகின் எந்த மைதானத்திலும் சிக்சர் விளாச முடியும்- ரவி சாஸ்திரி புகழாரம்

ஐதராபாத் அணிக்கு எதிரான போட்டியில் சஞ்சு சாம்சன் 27 பந்துகளில் 55 ரன்கள் எடுத்து அவுட் ஆனார். இதில் 5 சிக்சர் மற்றும் 3 பவுண்டரிகள் அடங்கும். இதில் இந்நிலையில் சஞ்சு சாம்சனை இந்திய கிரிக்கெட் அணியின் முன்னாள் பயிற்சியாளர் ரவி சாஸ்திரி பாராட்டி உள்ளார்.

சஞ்சு சாம்சன் குறித்து இந்திய கிரிக்கெட் அணியின் முன்னாள் பயிற்சியாளர் ரவி சாஸ்திரி கூறியதாவது:-

சன்ரைசர்ஸ் ஐதராபாத் அணிக்கு எதிரான ஆட்டத்தில் சாம்சனின் ஆட்டம் அருமையாக இருந்தது. உலகத்தில் உள்ள எந்த மைதானமாக இருந்தாலும் அவரால் சிக்சர் அடிக்க முடியும். மேலும் அவரது ஷாட் தேர்வு மிகவும்  சிறப்பாக இருந்தது.

சாம்சன் கூடுதலாக 5 ஓவர் களத்தில் இருந்திருந்தால் ராஜஸ்தான் அணி 230 ரன்கள் வரைக்கு எடுத்திருக்க முடியும். சாம்சன் - படிக்கல் ஜோடி சிறப்பான பார்ட்னர்ஷிப்பை அமைத்து கொடுத்தது. பட்லர், ஹெட்மையர் ஆகியோரின் ஆட்டமும் சிறப்பாக இருந்தது.

இவ்வாறு ரவி சாஸ்திரி கூறினார்.

ராஜஸ்தான் அணி ஏப்ரல் 2-ந் தேதி மும்பை இந்தியன்ஸ் அணியை எதிர்க்கொள்கிறது.

இதையும் படியுங்கள்...வேகப்பந்து வீரர்கள் சிறப்பாக செயல்பட்டனர்- ராஜஸ்தான் கேப்டன் சாம்சன் புகழாரம்