என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
10 அணிகள் பங்கேற்கும் சென்னை மாவட்ட ஏ டிவிஷன் கைப்பந்து லீக் நாளை தொடக்கம்
சென்னை:
சென்னை மாவட்ட கைப்பந்து சங்கம் சார்பில் ‘ஏ’ டிவிஷன் கைப்பந்து லீக் சாம்பியன் ஷிப் போட்டி நடத்தப்படுகிறது.
இந்த போட்டி எழும்பூரில் உள்ள மேயர் ராதாகிருஷ்ணன் ஸ்டேடியத்தில் நாளை (1-ந் தேதி) தொடங்குகிறது. மார்ச் 10-ந் தேதி வரை இந்த போட்டி நடைபெறுகிறது.
இதில் நடப்பு சாம்பியனான இந்தியன் ஓவர்சீஸ் வங்கி (ஐ.ஓ.பி.), 2-வது இடத்தை பிடித்த எஸ்.ஆர்.எம். பல்கலைக்கழகம், சுங்க இலாகா, இந்தியன் வங்கி, வருமான வரி, தமிழ்நாடு போலீஸ், ஐ.சி.எப், செயின்ட் ஜோசப் என்ஜினீயரிங் கல்லூரி, சேப்பாக் பிரண்ட்ஸ் கிளப் ஆகிய 10 அணிகள் பங்கேற்கின்றன.
ஒவ்வொரு அணியும் மற்ற அணிகளுடன் தலா ஒருமுறை ரவுண்ட் ராபின் முறையில் மோதவேண்டும். கடந்த முறை பி டிவிஷனில் இருந்து வெற்றிபெற்ற சேப்பாக் பிரண்ட்ஸ் கிளப், 2-வது இடத்தை பிடித்த இந்தியன் வங்கி, தற்போது ஏ டிவிஷனுக்கு முன்னேறி உள்ளது.
கடந்த ஆண்டு கொரோனா பாதிப்பு காரணமாக சில போட்டிகளோடு ஆட்டம் கைவிடப்பட்டது. அந்த போட்டிதான் தற்போது நடத்தப்படுகிறது.
இந்த போட்டியின் மொத்த பரிசுத் தொகை ரூ.3.5 லட்சம் ஆகும். டாக்டர் ரேலா இன்ஸ்டிடியூட் மெடிக்கல் மையம் மற்றும் ஆச்சி குரூப் ஆப் கம்பெனிகள் இந்த போட்டிக்கு ஸ்பான்சர் செய்கின்றன.
இந்த போட்டிக்கான ஏற்பாடுகளை சென்னை மாவட்ட கைப்பந்து சங்க தலைவர் ஆர்.அர்ஜூன் துரை, செயலாளர் ஏ.கே.சித்ரபாண்டியன் ஆகியோர் செய்து வருகிறார்கள்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்