அனில் கும்ப்ளே-யாக மாறிய பும்ரா: அட்டகாசமாக சுழற்பந்து வீசி அசத்திய வீடியோவை பகிர்ந்த பிசிசிஐ || Jasprit Bumrah apes Anil Kumble’s action to perfection in nets, BCCI shares clip

இந்திய அணியின் முன்னணி வேகப்பந்து வீச்சாளரான பும்ரா, அனில் கும்ப்ளே போன்று பந்து வீசி அனைவரையும் ஆச்சர்யத்திற்கு உள்ளாக்கினார்.

பும்ரா

தற்போதைய காலக்கட்டத்தில் உலகின் தலைசிறந்த வேகப்பந்து வீச்சாளராக பும்ரா திகழ்கிறார். அவரது வித்தியாசமான பவுலிங் ஆக்சன், பேட்ஸ்மேன்களை திணறடிக்கிறது. மற்ற வேகப்பந்து வீச்சாளர் போன்று வெகுதூரத்தில் இருந்து ஓடி வரமாட்டார். குறுகிய தூரத்தில் இருந்து ஓடி வந்து பந்து வீசுவார்.

இந்திய அணி இங்கிலாந்துக்கு எதிராக நான்கு போட்டிகள் கொண்ட டெஸ்ட் தொடரில் விளையாடுகிறது. முதல் டெஸ்ட் பிப்ரவரி 5-ந்தேதி சென்னை சேப்பாக்கத்தில் நடக்கிறது. இதற்காக இந்திய அணி வீரர்கள் தீவிர வலைப்பயிற்சி மேற்கொண்டு வருகிறார்கள்.

We have all seen @Jaspritbumrah93's fiery yorkers and sharp bouncers. Here’s presenting a never-seen-before version of the fast bowler.

Boom tries to emulate the legendary @anilkumble1074's bowling action and pretty much nails it! pic.twitter.com/wLmPXQGYgC
— BCCI (@BCCI) January 30, 2021

இந்தியாவின் சுழற்பந்து வீச்சு ஜாம்பவான் அனில் கும்ப்ளே. இவரது பந்து வீச்சு ஸ்டைலும் வித்தியாசமாக இருக்கும்.

நேற்று நடைபெற்ற வலைப்பயிற்சியின் போது பும்ரா. அனில் கும்ப்ளே போன்று பந்து வீசினார். பிசிசிஐ அனில் கும்ப்ளே பந்து வீச்சையும், பும்ராவின் பந்து வீச்சையும் இணைத்து வீடியோ வெளியிட்டுள்ளது. இந்த வீடியோ வைரலாகி வருகிறது.