ஐசிசி டெஸ்ட் பேட்ஸ்மேன் தரவரிசையில் ஆஸ்ரேலிய பேட்ஸ்மேன் ஸ்மித் முதல் இடத்தில் இருந்தார். இந்திய அணி கேப்டன் விரா் கோலி 2-வது இடத்திலும், நியூசிலாந்து அணி கேப்டன் கேன் வில்லியம்சன் 3-வது இடத்திலும் இருந்தனர்.
கேன் வில்லியம்சன் வெஸ்ட் இண்டீஸ் அணிக்கெதிரான முதல் டெஸ்டில் இரட்டை சதமும், பாகிஸ்தான் அணிக்கெதிரான முதல் டெஸ்டில் சதமும் விளாசினார். அதேசமயம் ஸ்மித் இந்தியாவுக்கு எதிரான இரண்டு டெஸ்டுகளில் 1, 1 (நாட்அவுட்), 0, 8 என நான்கு இன்னிங்சில் 10 ரன்களே அடித்தார். விராட் கோலி அடிலெய்டு டெஸ்டில் முதல் இன்னிங்சில் 74 ரன்கள் அடித்தார். 2-வது இன்னிங்சில் 4 ரன்னில் ஆட்டமிழந்தார்.
இதனால் 3-வது இடத்தில் இருந்து கேன் வில்லியம்சன் 890 புள்ளிகளுடன் முதல் இடத்திற்கு முன்னேறியுள்ளார். விராட் கோலி 2-வது இடத்தில் நீடிக்கிறார். ஸ்டீவ் ஸ்மித் 3-வது இடத்திற்கு பின்தங்கியுள்ளார். 4-வது இடத்தில் லாபஸ்சேன் உள்ளார். மெல்போர்ன் டெஸ்டில் சதம் அடித்த ரகானே 6-வது இடத்திற்கு முன்னேறியுள்ளார்.
