search icon
என் மலர்tooltip icon

    செய்திகள்

    வில்லியம்சன் - லாதம்
    X
    வில்லியம்சன் - லாதம்

    வெஸ்ட் இண்டீசுக்கு எதிரான முதல் டெஸ்ட்: வில்லியம்சன், லாதம் சிறப்பான ஆட்டம்

    வெஸ்ட் இண்டீசுக்கு எதிரான முதல் டெஸ்ட் போட்டியில் முதல் நாள் ஆட்ட நேர முடிவில் நியூசிலாந்து அணி 243 ரன்கள் எடுத்துள்ளனர்.

    ஹேமில்டன்:

    வெஸ்ட் இண்டீஸ் கிரிக்கெட் அணி நியூசிலாந்தில் சுற்றுப்பயணம் செய்து விளையாடி வருகிறது.

    இரு அணிகள் இடையேயான 3 போட்டி கொண்ட 20 ஓவர் தொடரை நியூசிலாந்து 2-0 என்ற கணக்கில் கைப்பற்றியது. முதல் போட்டியில் 5 விக்கெட்டிலும், 2-வது ஆட்டத்தில் 72 ரன் வித்தியாசத்திலும் நியூசிலாந்து வெற்றிபெற்றது. 3-வது போட்டி மழையால் கைவிடப்பட்டது.

    நியூசிலாந்து-வெஸ்ட் இண்டீஸ் இடையேயான 2 டெஸ்ட் போட்டி தொடரில் முதல் டெஸ்ட் ஹேமில்டனில் இன்று தொடங்கியது.

    வெஸ்ட் இண்டீஸ் டாஸ் வென்று பந்துவீச்சை தேர்வு செய்தது. தொடக்க வீரர்களாக டாம் லாதமும், வில்யங்கும் களம் இறங்கினார்கள்.

    யங் 5 ரன்னில் கேப்ரியல் பந்தில் ஆட்டம் இழந்தார். 2-வது விக்கெட்டுக்கு லாதமுடன் கேப்டன் வில்லியம்சன் ஜோடி சேர்ந்தார். இந்த ஜோடி வெஸ்ட் இண்டீஸ் பந்து வீச்சை விளாசி தள்ளி ரன்களை சேர்த்தது.

    இருவரும் சிறப்பாக ஆடி அரை சதத்தை தொட்டனர். டாம் லாதம் 86 ரன்னில் ஆட்டம் இழந்தார். அவரது விக்கெட்டை கேமர்ரோச் கைப்பற்றினார். அப்போது வில்லியம்சன் 63 ரன்னில் இருந்தார். அடுத்து முன்னாள் கேப்டன் ரோஸ்டெய்லர் களம் வந்தார்.

    இந்த ஜோடி சிறப்பாக ஆடி ரன்களை குவித்தனர். முதல் நாள் ஆட்ட நேர முடிவில் நியூசிலாந்து அணி 243 ரன்கள் எடுத்து 2 விக்கெட்டுகளை இழந்துள்ளனர். கேப்டன் வில்லியம்சன் 97 ரன்களுடனும் டெய்லர் 31 ரன்களிலும் களத்தில் இருந்தனர்.

    Next Story
    ×