search icon
என் மலர்tooltip icon

    செய்திகள்

    அம்பதி ராயுடு
    X
    அம்பதி ராயுடு

    அம்பதி ராயுடுவை காணோம்: நேற்றைய போட்டியின்போது சுவாரஸ்ய சம்பவம்

    ராயல் சேலஞ்சர்ஸ் பெங்களூர் அணிக்கெதிரான போட்டியின்போது திடீரென அம்பதி ராயுடு காணாமல் போனதால் போட்டியை நிறுத்தக்கூடிய சம்பவம் நடைபெற்றது.
    துபாயில் நேற்று நடைபெற்ற ஆட்டத்தில் சென்னை சூப்பர் கிங்ஸ் - ராயல் சேலஞ்சர்ஸ் பெங்களூர் அணிகள் மோதின. முதலில் பேட்டிங் செய்த ராயல் சேலஞ்சர்ஸ் பெங்களூர் 6 விக்கெட் இழப்பிற்கு 145 ரன்கள் அடித்தது.

    பின்னர் 146 ரன்கள் அடித்தால் வெற்றி என்ற இலக்குடன் சென்னை சூப்பர் கிங்ஸ் அணி விளையாடியது. டு பிளிஸ்சிஸ் ஆட்டமிழந்ததும் ருத்துராஜ் கெய்க்வாட் உடன் அம்பதி ராயுடு ஜோடி சேர்ந்தார். இந்த ஜோடி சிறப்பாக விளையாடியது.

    சென்னை பேட்டிங் செய்து கொண்டிருக்கும்போது 13 ஓவர் முடிந்த நிலையில் டைம்-அவுட் கொடுக்கப்பட்டது. 2.30 நிமிடங்கள் முடிந்த பின்னர் ஆர்சிபி பீல்டிங் செய்யத் தயாரானது. ஆனால் கெய்க்வாட் களத்தில் இருக்கும் நிலையில், அம்பதி ராயுடுவை காணவில்லை.

    வர்ணனையாளர்கள் அம்பதி ராயுடு எங்கே சென்றிருப்பார் அங்கும் இங்கும் பார்த்த நிலையில் 2 நிமிடம் கழித்து பேட்டிங் செய்ய வந்தார். அப்போது டி வில்லியர்ஸிடம் நடந்த விவரத்தை கூறினார். ஒருவேளை டாய்லெட்டிற்கு சென்றதால் காலதாமதம் ஆகியிருக்கும் என்று பேசிக் கொண்டனர்.

    2 நிமிடம் காக்க வைத்த அம்பதி ராயுடு மீண்டும் ஆட்டம் தொடங்கிய 3-வது பந்திலேயே வெளியேறினார்.
    Next Story
    ×