என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
3-க்குள் 4, 30 ரன்னுக்குள் 6 விக்கெட்: சீட்டுக்கட்டாய் சரிந்த சிஎஸ்கே பேட்ஸ்மேன்கள்
Byமாலை மலர்23 Oct 2020 2:44 PM GMT (Updated: 23 Oct 2020 2:44 PM GMT)
அம்பதி ராயுடு, டு பிளிஸ்சிஸ், ஜெகதீசன், ருத்துராஜ் கெய்க்வாட், ஜடேஜா அடுத்தடுத்து ஆட்டமிழக்க சென்னை சூப்பர் கிங்ஸ் திணறி வருகிறது.
ஐபிஎல் தொடரின் 41-வது லீக் ஆட்டம் ஷார்ஜாவில் நடைபெற்று வருகிறது. இதில் சென்னை சூப்பர் கிங்ஸ் - மும்பை இந்தியன்ஸ் அணிகள் விளையாடி வருகின்றன. டாஸ் வென்ற மும்பை இந்தியன்ஸ் பந்து வீச்சை தேர்வு செய்தது.
அதன்படி சென்னை சூப்பர் கிங்ஸ் அணியின் ருத்துராஜ் கெய்க்வாட், டு பிளிஸ்சிஸ் ஆகியோர் தொடக்க வீரர்களாக களம் இறங்கினர். முதல் ஓவரை டிரென்ட் போல்ட் வீசினார். இந்த ஓவரின் ஐந்தாவது பந்தில் ருத்துராஜ் கெய்க்வாட் ரன்ஏதும் எடுக்காமல் ஆட்டமிழந்தார்.
அடுத்து வந்த அம்பதி ராயுடு பும்ரா வீசிய அடுத்த ஓவரின் 4-வது பந்தில் ஆட்டமிழந்தார். அவர் 2 ரன்கள் மட்டுமே அடித்தார். அடுத்து வந்த ஜெகதீசன் முதல் பந்திலேயே நடையை கட்டினார். இதனால் 3 ரன்கள் எடுப்பதற்குள் மூன்று விக்கெட்டுகளை இழந்தது.
4-வது விக்கெட்டுக்கு டு பிளிஸ்சிஸ் உடன் டோனி ஜோடி சேர்ந்தார். 3-வது ஓவரை போல்ட் வீசினார். இந்த ஓவரின் 5-வது பந்தில் டு பிளிஸ்சிஸ் 1 ரன் எடுத்த நிலையில் வெளியேறினார். அப்போது சென்னை சூப்பர் கிங்ஸ் 3 ரன்கள் எடுப்பதற்குள் நான்கு விக்கெட்டுகளை இழந்திருந்தது.
5-வது விக்கெட்டுக்கு எம்எஸ் டோனியுடன் ஜடேஜா ஜோடி சேர்ந்தார். பும்ரா வீசிய 4-வது ஓவரில் சென்னை அணிக்கு 3 பவுண்டரி கிடைத்தது. 6-வது ஓவரை போல்ட் வீசினார். இந்த ஓவரின் 2-வது பந்தில் ஜடேஜா 7 ரன் எடுத்த நிலையில் ஜடேஜா வெளியேறினார்.
6-வது விக்கெட்டுக்கு டோனியுடன் சாம் கர்ரன் ஜோடி சேர்ந்தார். சென்னை சூப்பர் கிங்ஸ் 6 ஓவர்களில் 24 ரன்கள் எடுப்பதற்குள் ஐந்து விக்கெட்டுகளை இழந்து திணறியது.
7-வது ஓவரை ராகுல் சாஹர் வீசினார். இந்த ஓவரின் 3-வது பந்தை சிக்சருக்கு தூக்கிய டோனி, அடுத்த பந்தில் ஆட்டமிழந்தார். டோனி 16 ரன்னில் ஆட்டமிழக்க சென்னை 6.4 ஓவரில் 30 ரன்கள் எடுப்பதற்குள் 6 விக்கெட்டுக்களை இழந்துள்ளது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X