search icon
என் மலர்tooltip icon

    செய்திகள்

    மான்செஸ்டர் சிட்டி வீரர் இல்காய் குண்டோகன்
    X
    மான்செஸ்டர் சிட்டி வீரர் இல்காய் குண்டோகன்

    லிவர்பூல் சாம்பியனுக்கு தகுதியான அணி: மான்செஸ்டர் சிட்டி மிட்பீல்டர் சொல்கிறார்

    இங்கிலிஷ் பிரிமீயர் லீக் கால்பந்து தொடரின் புள்ளிகள் பட்டியலில் முதல் இடத்தில் இருக்கும் லிவர்பூல் சாம்பியனுக்கு தகுதியான அணி என மான்செஸ்டர் சிட்டி அணியின் இல்காய் தெரிவித்துள்ளார்.
    கொரோனா வைரஸ் தொற்று காரணமாக உலகில் உள்ள அனைத்து விளையாட்டு போட்டிகளும் இந்த மாதம் தொடக்கத்தில் தள்ளி வைக்கப்பட்டுள்ளன. ஐரோப்பிய நாடுகளில் நடைபெறும் கால்பந்து லீக்குகள் நடைபெறுமா? என்ற கேள்வி எழுந்துள்ளது.

    இங்கிலாந்தில் நடைபெற்று வரும் இங்கிலிஷ் பிரிமீயர் லீக் போட்டிகள் ஏப்ரல் 30-ந்தேதி வரை ஒத்தி வைக்கப்பட்டுள்ளன. அதன்பின் போட்டி நடக்குமா? என்பது குறித்து உறுதியாக தெரிவிக்கப்படவில்லை.

    லிவர்பூல் 29 போட்டிகள் முடிவில் 82 புள்ளிகளுடன் முதல் இடத்தில் உள்ளது. மான்செஸ்டர் சிட்டி 27 போட்டிகள் முடிவில் 57 புள்ளிகள் பெற்றுள்ளன. மீதமுள்ள 9 போட்டிகளில் இரண்டில் வெற்றி பெற்றால் கூட சாம்பியன் பட்டத்தை உறுதி செய்துவிடும். லிவர்பூல் கடைசியாக 1990-ல் சாம்பியன் பட்டம் வென்றது. 30 வருடங்கள் கழித்து மீண்டும் சாம்பியன் பட்டம் வெல்ல இருக்கிறது.

    ஆனால் கொரோனா வைரஸ் தொற்றால் போட்டி தொடருமா? என்பது தெரியவில்லை. ஒருவேளை 2019-2020 சீசன் இத்துடன் முடிவடைந்தால் லிவர்பூல் சாம்பியன் பட்டத்தை பெற தகுதியான அணி என மான்செஸ்டர் சிட்டி அணியின் மிட்பீல்டர் இல்காய் குண்டோகன் தெரிவித்துள்ளார்.

    ‘‘என்னைப் பொறுத்த வரைக்கும் இது சரியானது. ஒரு விளையாட்டு வீரராக நீங்கள் நியாயமாக இருக்க வேண்டும்’’ என மிட்பீல்டர் குண்டோகன் தெரிவித்துள்ளார்.
    Next Story
    ×