டி20-யில் 100-வது ஆட்டம்: சோயிப் மாலிக், ரோகித் சர்மா சாதனையுடன் இணைந்தார் ராஸ் டெய்லர்

நியூசிலாந்து - இந்தியா இடையிலான 5-வது மற்றும் கடைசி டி20 கிரிக்கெட் போட்டி மவுண்ட் மவுங்கானுயில் இன்று நடைபெற்றது. நியூசிலாந்து அணியில் அனுபவ வீரர் ராஸ் டெய்லர் இடம் பிடித்திருந்தார். இது அவருக்கு 100-வது சர்வதேச கிரிக்கெட் போட்டியாகும்.

இதன்மூலம் 100 சர்வதேச கிரிக்கெட் போட்டியில் விளையாடிய 3-வது வீரர் என்ற பெருமையை பெற்றுள்ளார். மேலும், 100 டி20 சர்வதேச போட்டிகளில் விளையாடிய முதல் நியூசிலாந்து வீரர் என்ற சாதனையையும் படைத்துள்ளார். 100-வது போட்டியில் களம் இறங்கிய ராஸ் டெய்லர் 47 பந்தில் 5 பவுண்டரி, 2 சிக்சருடன் 53 ரன்கள் விளாசினார்.

இதற்கு முன் பாகிஸ்தானின் சோயிப் மாலிக், இந்தியாவின் ரோகித் சர்மா ஆகியோர் 100 சர்வதேச டி20 கிரிக்கெட் போட்டிகளில் விளையாடியுள்ளனர்.