search icon
என் மலர்tooltip icon

    செய்திகள்

    உலக டெஸ்ட் சாம்பியன்ஷிப் புள்ளிகள் பட்டியல்
    X
    உலக டெஸ்ட் சாம்பியன்ஷிப் புள்ளிகள் பட்டியல்

    உலக டெஸ்ட் சாம்பியன்ஷிப்: புள்ளிகள் பட்டியலில் இந்தியாவை நெருங்கும் ஆஸ்திரேலியா

    நியூசிலாந்துக்கு எதிரான மெல்போர்ன் ‘பாக்சிங் டே’ டெஸ்ட் போட்டியில் வென்றதன் மூலம் ஆஸ்திரேலியா உலக டெஸ்ட் சாம்பியன்ஷிப் புள்ளிகள் பட்டியலில் இந்தியாவை நெருங்குகிறது.
    ஐசிசி உலக டெஸ்ட் சாம்பியன்ஷிப் லீக்கை தொடங்கியுள்ளது. டெஸ்ட் போட்டிகளில் விளையாடும் முன்னணி 9 நாடுகளுக்கு இடையில் 72 போட்டிகள் நடைபெறும். இந்த போட்டிகள் 2019 முதல் 2021 வரை நடைபெறுகிறது. இதனடிப்படையில் முதல் இரண்டு இடங்களை பிடிக்கும் அணிகள் இறுதிப் போட்டியில் பலப்பரீட்சை நடத்தும்.

    இதற்கான புள்ளிகள் பட்டியலில் இந்தியா 7 போட்டிகளில் (3 தொடர்) வெற்றி பெற்று முதல் இடத்தில் உள்ளது. 2-வது இடத்தில் இருந்து ஆஸ்திரேலியா மிகவும் பின்தங்கிய நிலையில் இருந்தது.

    ஆனால் பாகிஸ்தானுக்கு எதிரான இரண்டு டெஸ்ட் போட்டிகள் கொண்ட தொடரை 2-0 என கைப்பற்றியதால் 120 புள்ளிகள் கிடைத்தது. தற்போது நியூசிலாந்துக்கு எதிராக விளையாடி வருகிறது. முதல் இரண்டு போட்டிகளிலும் வெற்றி பெற்றுள்ளதால் 80 புள்ளிகள் கிடைத்துள்ளது.

    இதன்மூலம் ஆஸ்திரேலியா 256 புள்ளிகள் பெற்றுள்ளது. சிட்னியில் நடக்க இருக்கும் கடைசி போட்டியிலும் நியூசிலாந்தை வீழ்த்தினால் 306 புள்ளிகள் பெற்றுவிடும். அப்போது இந்தியாவுக்கும் ஆஸ்திரேலியாவுக்கும் இடையில் 64 புள்ளிகள் மட்டுமே இடைவெளி இருக்கும்.

    இந்தியா பிப்ரவரி மாதம் நியூசிலாந்து சென்று இரண்டு போட்டிகளில் விளையாடுகிறது. அதே நேரத்தில் ஆஸ்திரேலியா வங்காளதேசம் சென்று இரண்டு போட்டிகளில் விளையாடுகிறது. நியூசிலாந்துக்கு எதிராக இந்தியா தொடரை இழந்தால் முதல் இடத்தை இழக்க நேரிடும்.

    அடுத்த வருடம் இறுதியில் ஆஸ்திரேலியா - இந்தியா இடையே நான்கு போட்டிகள் கொண்ட டெஸ்ட் தொடர் நடக்கிறது. இதில் வெற்றி பெறும் அணி நம்பர் ஒன் இடத்தை பிடிக்க வாய்ப்புள்ளது.
    Next Story
    ×