ஆஸ்திரேலியா அணி முதன்முதலாக அடிலெய்டு மைதானத்தில் டே-நைட் டெஸ்ட் போட்டியை நடத்தியது. அதில் நியூசிலாந்து அணிக்கெதிராக விளையாடியது.
அதன்பின் ஆஸ்திரேலியா செல்லும் எல்லா நாடுகளுக்கும் எதிராக டே-நைட் போட்டியை நடத்தியது. ஆனால் இந்தியா கடந்த முறை சென்றபோது விளையாட மறுத்துவிட்டது.
பிசிசிஐ தலைவராக கங்குலி நியமிக்கப்பட்ட பின் இந்தியா வங்காளதேச அணிக்கெதிராக முதல்முதலாக டே-நைட் போட்டியில் விளையாடியது.
ஒவ்வொரு தொடரிலும் இந்தியா பிங்க் பந்தில் விளையாட வேண்டும் என கங்குலி தனது விருப்பத்தை தெரிவித்திருந்தார்.
இதனால் அடுத்த ஆண்டு ஆஸ்திரேலியா சுற்றுப் பயணம் செய்யும்போது இந்தியா டே-நைட் டெஸ்டில் விளையாடும் என எதிர்பார்க்கப்படுகிறது.
இந்நிலையில் ஆஸ்திரேலிய கிரிக்கெட் போர்டு இரண்டு டெஸ்ட் போட்டிகளில் இந்தியா டே-நைட் போட்டியில் விளையாட வேண்டும் என விரும்புகிறது. இதுகுறித்து பிசிசிஐ-யிடம் வலியுறுத்த இருக்கிறது.
பிரிஸ்பேன், பெர்த் அல்லது அடிலெய்டில் பிங்க் பால் டெஸ்ட் போட்டியில் விளையாடவும் மெல்போர்ன் மற்றும் சிட்னியில் வழக்கமான டெஸ்ட் போட்டிகளை நடத்த விரும்புகிறது.
