search icon
என் மலர்tooltip icon

    செய்திகள்

    விஜய் ஹசாரே டிராபியை வென்ற கர்நாடகா அணி
    X
    விஜய் ஹசாரே டிராபியை வென்ற கர்நாடகா அணி

    விஜய் ஹசாரே டிராபி: தமிழ்நாடு அணியை வீழ்த்தி கர்நாடகா சாம்பியன்

    விஜய் ஹசாரே டிராபி இறுதிப் போட்டியில் தமிழக அணியை 60 ரன்கள் வித்தியாசத்தில் வீழ்த்தி சாம்பியன் பட்டம் வென்றது கர்நாடகா.
    விஜய் ஹசாரே டிராபி ஒருநாள் கிரிக்கெட் தொடரின் இறுதிப் போட்டி பெங்களூருவில் இன்று நடைபெற்றது. இதில் தமிழ்நாடு - கர்நாடகா அணிகள் பலப்பரீட்சை நடத்தின.

    கர்நாடகா அணி டாஸ் வென்று பந்து வீச்சை தேர்வு செய்தது. அதன்படி தமிழ்நாடு அணி முதலில் பேட்டிங் செய்தது. அபிநவ் முகுந்த், முரளி விஜய் ஆகியோர் தொடக்க வீரர்களாக களம் இறங்கினர்.

    முரளி விஜய் ரன் ஏதும் எடுக்காமல் மிதுன் பந்தில் டக்அவுட் ஆனார். அடுத்து வந்த ரவிச்சந்திரன் அஸ்வின்  8 ரன்னில் ஏமாற்றம் அடைந்தார்.

    3-வது விக்கெட்டுக்கு அபிநவ் முகுந்த் உடன் பாபா அபரஜித் ஜோடி சேர்ந்தார். இந்த ஜோடி அபாரமான ஆட்டத்தை வெளிப்படுத்தியது. அபிநவ் முகுந்த் 85 ரன்களும், பாபா அபரஜித் 66 ரன்களும் சேர்த்து ஆட்டமிழந்தனர்.

    அதன்பின் வந்த விஜய் சங்கர் 35 பந்தில் 38 ரன்கள் சேர்த்தார். ஒரு கட்டத்தில் தமிழ்நாடு 31 ஓவர்களில் 3 விக்கெட் இழப்பிற்கு 148 எடுத்திருந்து. தினேஷ் கார்த்திக், வாஷிங்டன் சுந்தர், ஷாருக் கான் சொதப்பியதால் தமிழ்நாடு 49.5 ஓவரில் 252 ரன்களில் ஆல்அவுட் ஆனது.

    கர்நாடகா பந்து வீச்சாளர் மிதுன் கடைசி ஓவரில் ஹாட்ரிக் விக்கெட்டுக்கள் வீழ்த்தி சாதனைப் படைத்தார். மிதுன் 9.5 ஓவர்கள் வீசி 34 ரன்கள் விட்டுக்கொடுத்து ஐந்து விக்கெட்டுக்கள் கைப்பற்றினார்.

    பின்னர் 253 ரன்கள் அடித்தால் வெற்றி என்ற இலக்குடன் கர்நாடகா அணியின் கேஎல் ராகுல், படிக்கல் ஆகியோர் தொடக்க வீரர்களாக களம் இறங்கினர். படிக்கல் 14 பந்தில் 11 ரன்கள் எடுத்த நிலையில் ஆட்டமிழந்தார்.

    அடுத்து கேஎல் ராகுல் உடன் மயங்க் அகர்வால் ஜோடி சேர்ந்தார். இந்த ஜோடி அபாரமான ஆட்டத்தை வெளிப்படுத்தியது. இருவரும் அரைசதம் அடித்தனர். கர்நாடகாவின் ஸ்கோர் 23 ஓவர்களில் 1 விக்கெட் இழப்பிற்கு 146 ரன்கள் எடுத்திருக்கும்போது மழை பெய்தது.

    மழை கனமழையாக மாறியதால் ஆட்டம் அத்துடன் நிறுத்தப்பட்டது. வி.ஜே.டி. முறைப்படி 23 ஓவரில் 1 விக்கெட் இழப்பிற்கு 80 ரன்கள் எடுத்திருந்தாலே போதுமானது. இதனால் 60 ரன்கள் வித்தியாசத்தில் வெற்றி பெற்று விஜய் ஹசாரே சாம்பியன் பட்டத்தை வென்றது.
    Next Story
    ×