பெண்கள் உலக குத்துச்சண்டை - காலிறுதிக்கு முன்னேறினார் மேரி கோம்

உலன் உடே:

11-வது பெண்கள் உலக குத்துச்சண்டை சாம்பியன்ஷிப் போட்டி ரஷியாவின் உலன் உடே நகரில் நடந்து வருகிறது. இதில் 51 கிலோ உடல் எடைப்பிரிவில் காலிறுதிக்கு முந்தைய சுற்றில் 6 முறை சாம்பியனான இந்தியாவின் மேரி கோம், தாய்லாந்து வீராங்கனை ஜுதாமா ஜிட்பாங்குடன் மோதினார். 

விறுவிறுப்பான இந்த ஆட்டத்தில் மேரிகோம் 5-0 என்ற கணக்கில் தாய்லாந்து வீராங்கனையை வீழ்த்தினார். இந்த வெற்றி மூலம் மேரி கோம் காலிறுதிக்கு முன்னேறியுள்ளார்.