search icon
என் மலர்tooltip icon

    செய்திகள்

    பென் ஸ்டோக்ஸ்
    X
    பென் ஸ்டோக்ஸ்

    கிரிக்கெட் வீரர்களுக்கான சங்கத்தின் சிறந்த வீரர் விருதை வென்றார் பென் ஸ்டோக்ஸ்

    உலகக்கோப்பை கிரிக்கெட் இறுதிப் போட்டியில் சிறப்பான ஆட்டத்தை வெளிப்படுத்திய பென் ஸ்டோக்ஸ்க்கு கிரிக்கெட் வீரர்களுக்கான சங்கத்தின் சிறந்த வீரர் விருது வழங்கப்பட்டுள்ளது.
    இங்கிலாந்து தொழில்முறை கிரிக்கெட் வீரர்களுக்கான சங்கம் சார்பில் ஆண்டுதோறும் சிறப்பாக விளையாடும் வீரர்களுக்கு விருதுகள் வழங்கப்படும். இங்கிலாந்து அணியின் வேகப்பந்து வீச்சு ஆல்-ரவுண்டரான பென் ஸ்டோக்ஸ் உலகக்கோப்பை இறுதிப் போட்டியில் இங்கிலாந்து வெற்றி பெற முக்கிய காரணமாக இருந்தார்.

    அதேபோல் ஆஷஸ் தொடரின் 3-வது டெஸ்டில் 135 ரன்கள் அடித்து அணியின் வெற்றிக்கு முக்கிய காரணமாக இருந்தார். இதனால் கிரிக்கெட் வீரர்களுக்கான சங்கம் இந்த ஆண்டின் சிறந்த வீரர் விருதை பென் ஸ்டோக்ஸ்க்கு வழங்கி கவுரவித்துள்ளது.

    கோடைக்கால ஒருநாள் கிரிக்கெட் வீரராக கிறிஸ் வோக்ஸும், டெஸ்ட் வீரராக ஸ்டூவர்ட் பிராட்டும், கவுன்ட் சாம்பியன்ஷிப் வீரராக ஹர்மரும் தேர்வு செய்யப்பட்டுள்ளனர்.
    Next Story
    ×