டென்னிஸ் தரவரிசை- ரோஜர் பெடரரை பின்னுக்குத் தள்ளினார் நோவக் ஜோகோவிச்

டென்னிஸ் விளையாட்டில் நடால், ரோஜர் பெடரர், நோவக் ஜோகோவிச் ஆகியோர் முன்னணி வீரர்களாக திகழ்ந்து வருகிறார்கள். டென்னிஸ் தரவரிசையில் நடால் முதல் இடத்திலும், ரோஜர் பெடரர் 2-வது இடத்திலும், நோவக் ஜோகோவிச் 3-வது இடத்திலும் உள்ளனர்.

தற்போது ஷாங்காய் டென்னிஸ் தொடர் நடைபெற்று வருகிறது. அரையிறுதி ஒன்றில் நோவக் ஜோகோவிச் அலெக்ஸாண்டர் ஸ்வரேவ்-ஐ எதிர்கொண்டார். இதில் ஜோகோவிச் 6-2, 6-1 என நேர்செட் கணக்கில் வீழ்த்தினார்.



இதன்மூலம் ஜோகோவிச் தரவரிசையில் 2-வது இடத்தில் இருந்த ரோஜர் பெடரரை பின்னுக்குத் தள்ளி 2-வது இடத்திற்கு முன்னேறியுள்ளார். திங்கட்கிழமை அதிகாரப்பூர்வ தரவரிசை வெளியிடப்பட இருக்கிறது.