பேட்மிண்டன்- முதல் சுற்றோடு வெளியேறினார் ஸ்ரீகாந்த் கிதாம்பி

ஆசிய விளையாட்டு போட்டி இந்தோனேசியாவில் நடைபெற்று வருகிறது. இன்று பேட்மிண்டன் ஆட்டங்கள் நடைபெற்றன. ஆண்களுக்கான ஒற்றையர் பிரிவின் முதல் சுற்றில் இந்தியாவின் முன்னணி வீரரான ஸ்ரீகாந்த் கிதாம்பி ஹாங் காங்கின் கி வின்சென்ட்-ஐ எதிர்கொண்டார். இதில் 6-ம் நிலை வீரரான ஸ்ரீகாந்த் கிதாம்பிக்கு ஹாங் காங் வீரர் கடும் சவாலாக விளங்கினார்.



இதனால் ஆட்டம் முழுவதும் பரபரப்பாகவே சென்றது. இறுதியில் ஸ்ரீகாந்த் முதல் செட்டை 21-23 என இழந்தார். 2-வது செட்டையும் 19-21 என இழந்து தொடரில் இருந்து வெளியேறினார். ஹாங் காங் வீரர் 40 நிமிடத்தில் ஸ்ரீகாந்த் கிதாம்பியை வீழ்த்தினார்.