என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
ஹாக்கி சாம்பியன்ஸ் கோப்பை - ஆஸ்திரேலிய அணியிடம் இந்தியா தோல்வி
Byமாலை மலர்27 Jun 2018 11:19 PM GMT (Updated: 27 Jun 2018 11:19 PM GMT)
நெதர்லாந்து நாட்டில் நடைபெற்றுவரும் ஹாக்கி சாம்பியஸ் கோப்பை தொடரின் லீக் ஆட்டத்தில் இந்தியா, ஆஸ்திரேலியா அணியிடம் 3-2 என தோல்வியடைந்தது. #HCT2018 #INDvAUS #AUSvIND
பிரிடா:
37-வது சாம்பியன்ஸ் கோப்பை ஆக்கி போட்டி நெதர்லாந்து நாட்டில் உள்ள பிரிடா நகரில் நடந்து வருகிறது. இதில் நேற்று நடந்த லீக் போட்டியில் இந்திய அணி, நடப்பு சாம்பியனும், உலக சாம்பியனுமான ஆஸ்திரேலியாவை எதிர்கொண்டது.
விறுவிறுப்பாக நடைபெற்ற இந்த ஆட்டத்தின் முதல் பாதிநேர ஆட்டத்தின் 6-வது நிமிடத்தில் லாச்லன் ஷார்ப் (ஆஸ்திரேலியா), 10-வது நிமிடத்தில் வருண்குமார் (இந்தியா)15-வது நிமிடத்தில் கிடைத்த பெனால்டி கார்னர் வாய்ப்பை பயன்படுத்தி கிரேக் டாம் (ஆஸ்திரேலியா) ஆகியோர் கோல் அடித்தனர். இதனால் முதல் பாதிநேர ஆட்டத்தில் ஆஸ்திரேலியா 2-1 என முன்னிலை வகித்தது.
தொடர்ந்து நடந்த இரண்டாவது பாதிநேர ஆட்டத்தின் 33-வது நிமிடத்தில் ஆஸ்திரேலியாவின் மிட்டென் டிரென்ட் கோல் அடித்தார். அதன்பின் 58-வது நிமிடத்தில் கிடைத்த பெனால்டி வாய்ப்பில் இந்திய அணியின் ஹர்மன்பிரீத் சிங் கோல் அடித்தார். இதன்மூலம் ஆஸ்திரேலிய அணி 3-2 என்ற கோல் கணக்கில் இந்தியாவை வீழ்த்தியது. இது ஆஸ்திரேலிய அணி பெற்ற 2-வது வெற்றியாகும்.
இந்திய அணி இன்று நடைபெறும் லீக் ஆட்டத்தில் பெல்ஜியம் அணியை எதிர்கொள்கிறது. #HCT2018 #INDvAUS #AUSvIND
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X