உலகக் கோப்பை கால்பந்து - ரஷியாவை 3-0 என்ற கோல் கணக்கில் வீழ்த்தியது உருகுவே

உலகக் கோப்பை கால்பந்து போட்டியில் ஏ பிரிவில் இடம் பிடித்துள்ள உருகுவே மற்றும் ரஷியா அணிகள் மோதின.

போட்டி தொடங்கியதில் இருந்தே உருகுவே அணி வீரர்கள் அபாரமாக ஆடினர். ஆட்டத்தின் 10-வது நிமிடத்தில் உருகுவே அணியின் நட்சத்திர வீரர் சுவாரஸ் ஒரு கோல் அடித்தார்.

அவரை தொடர்ந்து ஆட்டத்தின் 23-வது நிமிடத்தில் உருகுவே அணி வீரர் டெனி ஷெரிஷேவ் ஒரு கோல் அடித்தார். இதனால் ஆட்டத்தின் முதல் பாதியில் உருகுவே அணி 2-0 என்ற கணக்கில் முன்னிலை வகித்தது. ரஷியா அணி வீரர்கள் எவ்வளவு முயன்றும் கோல் அடிக்க முடியவில்லை.

இதையடுத்து, ஆட்டத்தின் இரண்டாவது பாதியில் 90-வது நிமிடத்தில் உருகுவே அணியின் எடின்சன் கவானி ஒரு கோல் அடிக்க 3-0 என முன்னிலை பெற்றது.

கூடுதலாக கிடைத்த 5 நிமிடங்களிலும் ரஷியா அணி கோல் அடிக்கவில்லை. இறுதியில், ரஷியாவை 3-0 என்ற கோல் கணக்கில் வீழ்த்தி வெற்றி பெற்றதுடன் நாக் அவுட் சுற்றுக்கு முன்னேறியது.