search icon
என் மலர்tooltip icon

    செய்திகள்

    கபடி மாஸ்டர்ஸ் - லீக் போட்டியில் கென்யாவை வீழ்த்தியது இந்தியா
    X

    கபடி மாஸ்டர்ஸ் - லீக் போட்டியில் கென்யாவை வீழ்த்தியது இந்தியா

    துபாயில் நடைபெற்றுவரும் கபடி மாஸ்டர்ஸ் தொடரில் இந்தியா 48-19 என்ற புள்ளிக்கணக்கில் கென்யாவை வீழ்த்தியது. #KabaddiKurfew #KabaddiMasters #RaidOn #INDvKEN #KENvIND

    துபாய்:

    இந்தியா, பாகிஸ்தான், ஈரான், தென்கொரியா, அர்ஜெண்டினா, கென்யா ஆகிய ஆறு அணிகள் கலந்து கொள்ளும் கபடி மாஸ்டர்ஸ் தொடர் துபாயில் நேற்று தொடங்கியது. அறிமுக ஆட்டத்தில் இந்தியா, பாகிஸ்தானை வீழ்த்தியது. இன்று நடைபெற்ற லீக் ஆட்டத்தில் இந்தியா - கென்யா அணிகள் மோதின. 

    தொடக்கத்தில் இருந்தே இந்திய வீரர்கள் ஆதிக்கம் செலுத்தினர். இந்திய வீரர்களை பிடிக்க முடியாமல் கென்யா வீரர்கள் திணறினர். அதேசமயம் இந்திய வீரர்கள் கென்யா வீரர்களை அவுட் ஆக்கி புள்ளிகளை தட்டிச்சென்றனர். இதனால் முதல் பாதிநேர ஆட்டத்தில் இந்திய அணி 27-9 என முன்னிலை வகித்தது.

    தொடர்ந்து நடைபெற்ற இரண்டாவது பாதிநேர ஆட்டத்திலும் இந்திய அணி ஆதிக்கம் செலுத்தியது. இரண்டாவது பாதிநேர ஆட்டத்தில் இந்தியா 21 புள்ளிகளும், பாகிஸ்தான் 10 புள்ளிகளும் எடுத்தது. இறுதியில் இந்தியா 48-19 என்ற புள்ளிக்கணக்கில் வெற்றி பெற்றது.

    முன்னதாக நடைபெற்ற லீக் ஆட்டத்தில் ஈரான் 54-24 என அர்ஜெண்டினாவை வீழ்த்தியது. இந்தியா தனது அடுத்த லீக் ஆட்டத்தில் பாகிஸ்தானை 25-ம் தேதி எதிர்கொள்ள உள்ளது. இந்த போட்டிகள் ஜூன் 30-ம் தேதி வரை நடைபெற உள்ளன.  #KabaddiKurfew #KabaddiMasters #RaidOn #INDvKEN #KENvIND
    Next Story
    ×