பாரீஸ்:
கிராண்ட்சிலாம் போட்டிகளில் ஒன்றான பிரெஞ்சு ஓபன் டென்னிஸ் போட்டி பாரீஸ் நகரில் நடைபெற்று வருகிறது. இப்போட்டிகள் இறுதிக்கட்டத்தை எட்டியுள்ளன.
இன்று நடைபெற்ற பெண்கள் ஒற்றையர் பிரிவின் அரையிறுதி சுற்று ஆட்டத்தில் முதல் நிலை வீராங்கனையான சிமோனா ஹாலெப், 3-ம் நிலை வீராங்கனையான கேப்ரின் முகுருசாவை எதிர்கொண்டார். இப்போட்டியில் ஹாலெப் அதிரடியாக விளையாடினார்.
முதல் செட்டை ஹாலெப் 6-1 என எளிதாக கைப்பற்றினார். தொடர்ந்து நடைபெற்ற இரண்டாவது செட்டிலும் அதிரடியாக விளையாடிய ஹாலெப் அந்த செட்டை 6-4 என கைப்பற்றினார். இதன்மூலம், 6-1, 6-4 என்ற நேர் செட்கணக்கில் வெற்றி பெற்ற ஹாலெப் இறுதிப் போட்டிக்கு முன்னேறினார்.
மற்றொரு அறையிறுதி ஆட்டத்தில், அமெரிக்காவின் கீஸ், சக நாட்டு வீராங்கனையாக ஸ்டீபென்ஸ் உடன் பலப்பரீட்சை செய்து வருகிறார். இந்த போட்டியில் வெற்றி பெறுபவர்கள் நாளை நடைபெறும் இறுதிப்போட்டியில் சாம்பியன் பட்டத்துக்காக ஹாலெப் உடன் மோத உள்ளார். #SimonoHalep #GarbineMuguruza #FrenchOpen2018
