நியூசிலாந்து பயிற்சியாளர் மைக் ஹஸ்சன் விலகல்

நியூசிலாந்து கிரிக்கெட் அணியின் பயிற்சியாளர் மைக் ஹஸ்சன் தனது பதவியை திடீரென ராஜினாமா செய்துள்ளார். தனது குடும்பத்துடன் அதிக நேரம் செலவழிக்க விரும்புவதால் பயிற்சியாளர் பதவியில் இருந்து விலகுவதாக தெரிவித்துள்ளார்.

மைக் ஹஸ்சனுக்கு அடுத்த ஆண்டு வரை ஒப்பந்தம் உள்ளது. ஆனால் அதற்குள் பதவியை ராஜினாமா செய்துள்ளார். அவரது இந்த முடிவை நியூசிலாந்து கிரிக்கெட் வாரியம் ஏற்று கொண்டுள்ளது. ஜூலை 31-ந்தேதியில் இருந்து மைக் ஹஸ்சனின் ராஜினாமா அமலுக்கு வரும் என்று தெரிவிக்கப்பட்டு இருக்கிறது.

அடுத்த ஆண்டு 50 ஓவர் உலக கோப்பை போட்டி நடைபெற உள்ள நிலையில் மைக் ஹஸ்சன் பதவி விலகி உள்ளார் என்பது குறிப்பிடத்தக்கது. #NewZealand #BlackCaps #MikeHesson