பிரெஞ்ச் ஓபன்- நடால், ஆண்டர்சன், ஷிபோவாலோவ் 2-வது சுற்றுக்கு முன்னேற்றம்

பிரெஞ்ச் கிராண்ட் ஸ்லாம் டென்னிஸ் தொடர் நேற்று முன்தினம் தொடங்கியது. இன்று ஆண்களுக்கான ஒற்றையர் பிரிவின் முதல் சுற்று ஆட்டங்கள் நடைபெற்று வருகின்றன. ஒரு ஆட்டத்தில் முதல் நிலை வீரரான ரபெல் நடால் சிமோன் பொலேல்லியை எதிர்கொண்டார். இதில் நடால் முதல் இரண்டு செட்டுகளையும் 6-4, 6-3 என எளிதில் கைப்பற்றினார். ஆனால் 3-வது செட் ‘டை பிரேக்கர்’ வரை சென்றது. இறுதியில் நடால் 7 (11) - 6 (9) என கைப்பற்றி வெற்றி பெற்றார்.


ஷபோவாலோவ்

6-ம் நிலை வீரரான கெவின் ஆண்டர்சன் தரம் நிலை பெறாத பயோலோ லாரென்சியை எதிர்கொண்டார். இதில் ஆண்டர்சன் 6-1, 6-2, 6-4 என எளிதில் வெற்றி பெற்றார்.

3-ம் நிலை வீரரான மரின் சிலிச் 6-3, 7-5, 7(7) - 6(4) என டக்வொர்த்தை வீழ்த்தினார். 19 வயதே ஆன கனடாவின் இளம் வீரரான டெனிஸ் ஷபோவாலோவிற்கு இதுதான் அறிமுக பிரெஞ்ச் ஓபன் ஆகும். முதல் சுற்றில் மில்மானை எதிர்கொண்டார். இதில் ஷபோவாலோவ் 7-5, 6-4, 6-2 என வெற்றி பெற்றார்.