உலக லெவன் அணியில் இருந்து மோர்கன் விலகல்- அப்ரிடி கேப்டன்

வெஸ்ட் இண்டீஸ் - ஐசிசி உலக லெவன் அணிகளுக்கு இடையிலான ஒரேயொரு டி20 போட்டி லார்ட்ஸ் மைதானத்தில் நாளைமறுநாள் (31-ந்தேதி) நடைபெறுகிறது. இதற்கான உலக லெவன் அணியின் கேப்டனாக இங்கிலாந்து ஒருநாள் அணி கேப்டன் மோர்கன் நியமனம் செய்யப்பட்டிருந்தார்.

தற்போது அவரது கைவிரலில் முறிவு ஏற்பட்டுள்ளதால் வெஸ்ட் இண்டீஸ் அணிக்கெதிரான ஆட்டத்தில் இருந்து விலகியுள்ளார். அவருக்குப் பதிலாக பாகிஸ்தான் அணியின் முன்னாள் கேப்டன் அப்ரிடி கேப்டனாக நியமிக்கப்பட்டுள்ளார்.



மோர்கனுக்குப் பதிலாக சாம் பில்லிங்ஸ் உலக லெவன் அணியில் சேர்க்கப்பட்டுள்ளார். இவருடன் தைமல் மில்ஸ், சாம் குர்ரான் ஆகியோரும் உலக லெவன் அணியில் சேர்க்கப்பட்டுள்ளனர்.

இந்திய வேகப்பந்து வீச்சாளர் முகமது ஷமி மற்றும் விக்கெட் கீப்பர் தினேஷ் கார்த்திக் ஆகியோரும் உலக லெவன் அணியில் இடம்பிடித்துள்ளனர்.