டி.வி.எஸ். அபாச்சி ஆர்.டி.ஆர். 180 மாடல் இந்தியாவில் அறிமுகம் செய்யப்பட்டது. புதிய 2019 அபாச்சி ஆர்.டி.ஆர். 180 ஸ்டான்டர்டு மாடலின் விலை ரூ.84,578 என்றும், ஏ.பி.எஸ். வெர்ஷன் விலை ரூ.95,392 (எக்ஸ்-ஷோரூம், டெல்லி) என நிர்ணயம் செய்யப்பட்டுள்ளது.
புதிய மோட்டார்சைக்கிளில் மேம்படுத்தப்பட்ட கிராஃபிக்ஸ், புதிய கன்சோல், சிறப்பான கிராஷ் பாதுகாப்பு உள்ளிட்டவை வழங்கப்பட்டுள்ளது. இத்துடன் காஸ்மெடிக் மாற்றங்கள் செய்யப்பட்டுள்ள நிலையில், மெக்கானிக்கல் அம்சங்களில் எவ்வித மாற்றமும் செய்யப்படவில்லை.
இந்தியாவில் அபாச்சி சீரிஸ் முப்பது லட்சம் விற்பனையை கடந்திருப்பதை கொண்டாடும் வகையில், இந்த மோட்டார்சைக்கிள் அப்டேட் செய்யப்பட்டுள்ளது.
புதிய 2019 அபாச்சி ஆர்.டி.ஆர். 180 மாடலில் ரேஸ் இன்ஸ்பையர் செய்யப்பட்ட கிராஃபிக்ஸ், கிராஷ் கார்டு, இன்டகிரேட் செய்யப்பட்ட ஃபிரேம் ஸ்லைடர்கள், அல்கான்ட்ரா போன்ற சீட்கள், ஹேன்டில்பார் வழங்கப்பட்டுள்ளது.
புதிய மோட்டார்சைக்கிள் பியல் வைட், கிளாஸ் பிளாக், டி கிரே, மேட் புளு மற்றும் மேட் ரெட் என ஐந்து வித நிறங்களில் கிடைக்கிறது. புதிய மாற்றங்களுடன் டி.வி.எஸ். அபாச்சி ஆர்.டி.ஆர். 180 மாடலில் 177.4 சிசி, 2-வால்வ், சிங்கிள் சிலிண்டர் என்ஜின் வழங்கப்பட்டுள்ளது.
இந்த என்ஜின் 16 பி.ஹெச்.பி. @8500 ஆர்.பி.எம். மற்றும் 15.5 என்.எம். டார்கியூ @6500 ஆர்.பி.எம். செயல்திறன் மற்றும் 5-ஸ்பீடு கியர்பாக்ஸ் கொண்டுள்ளது. புதிய அபாச்சி ஆர்.டி.ஆர். 180 மாடல் அதிகபட்சமாக மணிக்கு 114 கிலோமீட்டர் வேகத்தில் செல்லும் என டி.வி.எஸ். அறிவித்துள்ளது.
புதிய பைக்கின் முன்பக்கம் டெலிஸ்கோபிக் ஃபோர்க், பின்புறம் கேஸ் சார்ஜ் செய்யப்பட்ட டூயல் ஷாக் அப்சார்பர்கள், பிரேக்கிங் அம்சங்களை பொருத்த வரை டிஸ்க் பிரேக் மற்றும் ஏ.பி.எஸ். ஆப்ஷனாக வழங்கப்படுகிறது.
