சித்தராமையா தலைமையில் முதல் அமைச்சரவை கூட்டம் - 5 உத்தரவாத திட்டங்களுக்கு ஒப்புதல்

பெங்களூரு:

கர்நாடக சட்டமன்ற தேர்தலில் காங்கிரஸ் கட்சி தனிப்பெரும்பான்மை பெற்று ஆட்சியைப் பிடித்துள்ளது. சித்தராமையா முதல் மந்திரியாகவும், துணை முதல்வராக மாநில தலைவர் டி.கே.சிவகுமாரும் இன்று பதவி ஏற்றனர்.

அவர்களைத் தொடர்ந்து மந்திரிகளாக எம்.பி.பாட்டீல், டாக்டர் ஜி.பரமேஷ்வர், கே.எச்.முனியப்பா, கே.ஜே.ஜார்ஜ், சதீஷ் ஜாரகிஹோலி, மல்லிகார்ஜூன கார்கேவின் மகன் பிரியங்க் கார்கே, ராமலிங்கரெட்டி, ஜமீர் அகமது ஆகியோர் மந்திரிகளாக பதவி ஏற்றனர்.

இந்நிலையில், முதல் மந்திரி சித்தராமையா தலைமையில் அமைச்சரவைக் கூட்டம் இன்று நடைபெற்றது. அப்போது, கிருக ஜோதி, கிரக லட்சுமி உள்ளிட்ட 5 திட்டங்களுக்கு கொள்கை அளவில் ஒப்புதல் அளிக்கப்பட்டது.

இந்த திட்டங்களை செயல்படுத்தினால் ஆண்டுக்கு 50,000 கோடி ரூபாய் கூடுதல் செலவு ஏற்படும்.