'இதுவரை சாப்பிட்டதில் மிகச்சிறந்த பிரியாணி'- லக்னோ பிரியாணியை ருசித்த ஜப்பான் தூதர்

இந்தியாவுக்கான ஜப்பான் தூதர் ஹிரோஷி சுசுகி சமீபத்தில் மும்பையில் மெட்ரோ ரெயிலில் பயணம் செய்ததும், அங்குள்ள மார்க்கெட்டுகளில் சென்று ஆடைகள் வாங்கிய புகைப்படங்கள் சமூக வலைதளங்களில் வைரலாகி இருந்தன.

இந்நிலையில் அவர் தனது எக்ஸ் தளத்தில் பிரியாணியை ருசித்து சாப்பிடும் புகைப்படத்தை பகிர்ந்துள்ளார். மேலும் அவரது பதிவில் 2 நாட்களாக தொடர்ந்து லக்னோவில் பயணம் செய்து வருகிறேன். லக்னோ பிரியாணி இதுவரை நான் சாப்பிட்டதிலேயே மிகச்சிறந்த பிரியாணி என பதிவிட்டுள்ளார்.

மேலும் தனது லக்னோ பயணத்தின் மற்ற படங்களையும் அவர் வலைதளத்தில் பதிவிட்டுள்ளார். அவரது இந்த பதிவை இணைய பயனர்கள் லைக் செய்து வருகின்றனர்.