17-வது மக்களவையின் முதல் கூட்டத் தொடர் ஜூன் 17ல் தொடங்குகிறது

புதுடெல்லி:

நாட்டின் பிரதமராக நரேந்திர மோடி இரண்டாவது முறையாக நேற்று பதவியேற்றார். அவரது தலைமையிலான புதிய மந்திரி சபையும் பதவியேற்றது. மோடி மற்றும் அவரது மந்திரி சபையில் இடம்பெற்றுள்ள மந்திரிகளுக்கு இலாகா ஒதுக்கீடு செய்யப்பட்டு, அவர்கள் இன்று பொறுப்பேற்றனர்.

மோடி தலைமையில் புதிய மந்திரிசபையின் முதல் கூட்டம் இன்று நடைபெற்றது. இதில் பல்வேறு முக்கிய முடிவுகள் எடுக்கப்பட்டன.

இந்நிலையில், 17வது மக்களவையின் முதல் கூட்டத் தொடர், ஜூன் 17-ம் தேதி தொடங்கி ஜூலை 26ம் தேதி வரை நடைபெறும் என அறிவிக்கப்பட்டுள்ளது. முதல் நாளில் புதிய எம்பிக்கள் பதவியேற்கிறார்கள். ஜூன் 19-ம் தேதி மக்களவை சபாநாயகர் தேர்ந்தெடுக்கப்படுவார் என தகவல்கள் தெரிவிக்கின்றன.