புவனேஸ்வர்:
ஒடிசா மாநிலத்தில் பிஜு ஜனதா தளம் கட்சியின் ஆட்சி நடைபெற்று வருகிறது. இங்கு பாராளுமன்ற தேர்தலுடன் சேர்த்து மாநில சட்டசபைக்கான தொகுதிகளுக்கும் ஏப்ரல் 11-ம் தேதி முதல் 29 வரை நான்கு கட்டங்களாக தேர்தல் நடத்தப்படுகிறது.
இம்மாநிலத்தின் ஆளும்கட்சியான பிஜு ஜனதா தளத்திடம் இருந்து ஆட்சியை பறிக்க பாஜக, காங்கிரஸ் ஆகிய தேசிய கட்சிகள் தீவிர முயற்சியில் ஈடுபட்டு வருகின்றன. இவ்விரு கட்சிகளும் நேற்று ஒடிசா மாநிலத்துக்கான தேர்தல் அறிக்கையை வெளியிட்டன.
ஒடிசா முதல் மந்திரி நவீன் பட்நாயக் இன்று வெளியிட்ட தேர்தல் அறிக்கையில் பெண்களுக்கு ஆண்டுதோறும் ரூ.10 லட்சம் ரூபாய் வரை மருத்துவ காப்பீடு, ஏழை பெண்கள் திருமணத்துக்கு ரூ.25 ஆயிரம் நிதியுதவி, பள்ளிகளில் மழலையர் வகுப்பில் இருந்து இறுதியாண்டு வரையிலும், மற்றும் மருத்துவம், பொறியியல் படிப்புகள் வரையிலும் கல்லூரிகளில் பெண்களுக்கு இலவச கல்வி வழங்கப்படும்.
மேலும், பெண்கள் சுய உதவி குழுக்களுக்கு 5 லட்சம் ரூபாய் வரை வட்டியில்லா கடன் வசதி, 500 கோடி ரூபாய் நிதிதொகுப்புடன் நெல் கொள்முதல் மற்றும் மருத்துவ பணியாளர்களுக்கான சீருடை தயாரிப்பில் பெண்கள் சுய உதவி குழுக்களுக்கு முன்னுரிமை என பல்வேறு கவர்ச்சிகரமான வாக்குறுதிகளையும் நவீன் பட்நாயக் இன்று அளித்துள்ளார். #NaveenPatnaik #healthinsurance #marriageassistance #LSpolls
