மீடூ இயக்கத்தில் என் பெயர் வராதது அதிர்ஷ்டம் தான்- சத்ருகன் சின்கா எம்பி கருத்து

மும்பை:

பிரபலங்கள் மீது பெண்கள் பாலியல் புகார் கூறும் மீடூ இயக்கம் கடந்த சில மாதங்களாக நாடு முழுக்க பரபரப்பை ஏற்படுத்தி உள்ளது. இந்தி நடிகர் நானா படேகர் மீது நடிகை தனுஸ்ரீ தத்தா இந்த இயக்கத்தின் மூலம் பாலியல் புகார் கூறினார். அவருக்கு ஆதரவும் எதிர்ப்பும் எழுந்தன.

இந்நிலையில் மீடூ இயக்கம் பற்றி இந்தி நடிகரும் லோக்சபா எம்.பியுமான சத்ருகன் சின்கா கூறியது சர்ச்சையாகி இருக்கிறது. அவர் ஒரு நிகழ்ச்சியில் பேசும்போது கூறியதாவது:-


நான் என் மனைவி சொல்வதை கேட்கிறேன். எந்த புகாரும் இல்லை என்றாலும் என் மனைவியை பல நேரம் உடன் அழைத்துச் செல்கிறேன். மற்றவர்களிடம் நான் திருமண வாழ்க்கையில் மகிழ்ச்சியாக இருக்கிறேன் என்று காட்ட முடியும் என்பதுதான் அதன் காரணம். என் மனைவி பூனம் ஒரு பெண் கடவுள். அவர் தான் எனக்கு எல்லாமே. யாராவது என்னைப் பற்றி எதையாவது தெரிவிக்க விரும்பினாலும் தயவு செய்து சொல்லிவிடாதீர்கள்.’

இவ்வாறு அவர் பேசியுள்ளார்.

இந்த கருத்துக்கு சமூக வலைதளங்களில் கடும் எதிர்ப்பை உருவாகியுள்ளது. சத்ருகன் சின்கா மகள் சோனாக்‌ஷி சின்கா இந்தி சினிமாவில் கதாநாயகியாக இருப்பவர்.

சத்ருகன் சின்கா ரஜினிகாந்தின் நெருங்கிய நண்பர். சோனாக்‌ஷி ரஜினிக்கு ஜோடியாக லிங்கா படத்தில் நடித்து இருந்தார். #ShatrughanSinha #MeToo