புதுடெல்லி:
இந்திய சினிமாவில் தமிழ், இந்தி உள்ளிட்ட பல்வேறு மொழி திரைப்படங்களில் நடித்தவர் பிரபல நடிகை ஸ்ரீதேவி. இவர் கடந்த பிப்ரவரி மாதம் 12-ம் தேதி துபாயில் மாரடைப்பால் மரணம் அடைந்தார். இது திரையுலகத்தில் பெரும் அதிர்ச்சியை ஏற்படுத்தியது. இதையடுத்து, ஸ்ரீதேவியின் உடல் பிப்ரவரி 28-ம் தேதி இந்தியாவிற்கு கொண்டு வரப்பட்டு இறுதி சடங்குகள் செய்யப்பட்டது.
இதையடுத்து, ஸ்ரீதேவி ‘மாம்’ படத்தில் நடித்ததற்காக சிறந்த நடிகைக்கான தேசிய விருது அவர் மறைந்தததற்கு பின் வழங்கப்பட்டது. 50 ஆண்டுகளுக்கு மேலாக திரைத்துறையில் சாதித்த ஸ்ரீதேவி இந்திய சினிமாவின் சூப்பர் ஸ்டார் என்று அழைக்கப்படுகிறார்.
இந்நிலையில், பிரிக்ஸ் வர்த்தக அமைப்பின் தலைமை தகுதிக்கான வாழ்நாள் சாதனையாளர் விருது மறைந்த நடிகை ஸ்ரீதேவிக்கு வழங்கப்பட்டது. அவருக்கு பதிலாக ஸ்ரீதேவி கணவர் போனி கபூரின் சகோதரி ரீனா மார்வா விருதினை பெற்றுக்கொண்டார். இந்த விழாவில் மத்திய இணை மந்திரி ஜிதேந்திரா சிங் மற்றும் பிரிக்ஸ் அமைப்பின் சர்வதேச கூட்டணி தலைவர் லாரிசா செலண்டோசாவா கலந்து கொண்டனர். #Sridevi #BRICS
