கர்நாடகாவில் தேர்தல் ஒத்திவைக்கப்பட்ட ஜெயாநகர் தொகுதிக்கு பாஜக வேட்பாளர் அறிவிப்பு

பெங்களூரு:

கர்நாடக மாநிலம், ஜெயாநகர் சட்டசபை தொகுதியின் பாஜக வேட்பாளாரக அறிவிக்கப்பட்டிருந்த பி.என் விஜயகுமார் மாரடைப்பு காரணமாக கடந்த மார்ச் மாதம் 4-ம் தேதி உயிரிழந்தார். அவரின் மறைவை அடுத்து ஜெயநகர் தொகுதிக்கு மே 12-ம் தேதி நடைபெற இருந்த சட்டசபை தேர்தலை தேர்தல் ஆணையம் ஒத்திவைத்தது.

இந்நிலையில், ஜெயாநகர் தொகுதியின் வேட்பாளராக மறைந்த பி.என் விஜயகுமாரின் சகோதரர் பி.என்.பிரஹலாத்தை பாரதிய ஜனதா கட்சி இன்று அறிவித்துள்ளது. ஜெயாநகர் தொகுதிக்கு வரும் ஜூன் மாதம் 11-ம் தேதி தேர்தல் நடத்தப்பட்டு ஜூன்13-ம் தேதி வாக்கு எண்ணிக்கை நடைபெறவுள்ளது குறிப்பிடத்தக்கது. #KarnatakaElection