மகாராஷ்டிர முதல்-மந்திரி குடிப்பது கோல்டன் டீயா? காங்கிரஸ் கேள்வி

மும்பை:

மும்பை காங்கிரஸ் தலைவர் சஞ்சய் நிருபம் நிருபர்களிடம் கூறியதாவது:-

மகாராஷ்டிர முதல்-மந்திரி தேவேந்திர பட்னாவிஸ் அலுவலகத்தில் டீ மற்றும் நொறுக்குத்தீனி என்ற அடிப்படையில், நடப்பாண்டில் (2017-18) ரூ.3 கோடியே 34 லட்சம் செலவு செய்யப்பட்டு இருப்பதாக தகவல் அறியும் உரிமை சட்டத்தின் கீழ் பெறப்பட்ட தகவலில் தெரிவிக்கப்பட்டு உள்ளது. இந்த செலவு கடந்த 2015-16-ம் நிதியாண்டில் ரூ.58 லட்சமாக இருந்தது.



ஆனால் நடப்பாண்டில் டீ செலவுக்காக இவ்வளவு பெரிய தொகை செலவு செய்யப்பட்டு இருப்பதாக கூறுவதை ஏற்க முடியாது. தினமும் முதல்-மந்திரி அலுவலகத்தில் ஆயிரக்கணக்கானோர் டீ குடிப்பதாகவும் கூறப்பட்டு உள்ளது.

கிரீன் டீ, லெமன் டீ என்பதையெல்லாம் கேள்விப்பட்டு இருக்கிறோம். ஆனால் முதல்-மந்திரி குடிப்பது எந்த வகை டீ?. அது என்ன கோல்டன் டீயா?

இவ்வாறு அவர் கூறினார்.  #tamilnews