நிலக்கோட்டை:
நிலக்கோட்ைட அருகே மேலகோவில்பட்டியை சேர்ந்தவர் முத்துச்சாமி மகன் அழகுராஜ்(35). இவர் தமிழக ஊர்காவல்படையில் திண்டுக்கல்லில் பணியாற்றி வருகிறார். இவருக்கும் லீலாவதி(32) என்பவருக்கும் கடந்த 2020-ம் ஆண்டு திருமணம் நடைபெற்றது.
திருமணத்தின்போது சீர்வரிசையாக 10 பவுன் நகை, ரூ.3 லட்சம் மதிப்பில் பொருட்கள் கொடுக்கப்பட்டது. இருவருக்கும் இடையே கருத்துவேறுபாடு ஏற்பட்டதால் குடும்பத்தில் பிரச்சினை ஏற்பட்டது.
இந்தநிலையில் மேலும் ரூ.3 லட்சம் பணம் மற்றும் 5 பவுன் நகை வாங்கி வருமாறு லீலாவதியை கொடுமைப்படுத்தி உள்ளனர். இதுகுறித்து நிலக்கோட்டை அனைத்து மகளிர் போலீஸ் நிலையத்தில் அளித்த புகாரின்பேரில் சப்-இன்ஸ்பெக்டர் லதா, லீலாவதியின் கணவர் அழகுராஜ், மாமனார் முத்துச்சாமி, மாமியார் ஜோதி, நாத்தனார் நாகலட்சுமி ஆகியோர் மீது போலீசார் வழக்குபதிவு செய்து விசாரணை நடத்தி வருகின்றனர். இதில் நாகலட்சுமி விளாம்பட்டி போலீசில் பணிபுரிந்து வருவது குறிப்பிடத்தக்கது.
