வேலூர்:
பள்ளிகொண்டா நேதாஜி தெருவை சேர்ந்தவர் ஹரி (வயது 52) பள்ளிகொண்டா பேரூராட்சி 10-வது வார்டு செயலாளராக பதவி வகித்து வந்தார்.இவருடைய மனைவி பிரேமா பள்ளி கொண்டா பேரூராட்சி கவுன்சிலராக உள்ளார்.
ஹரி நேற்று மோட்டார் சைக்கிளில் வேலூர் நோக்கி வந்தார்.
விரிஞ்சிபுரம் அடுத்த மேல்மொணவூர் சர்வீஸ் ரோட்டில் பைக்கை நிறுத்திவிட்டு கீழே இறங்கினார். அப்போது கருகம்புத்தூரை சேர்ந்த மணி என்பவர் பைக்கில் வந்தார் அவரது பைக் நிலை தடுமாறி ஹரி மீது மோதியது.
இந்த விபத்தில் இருவரும் படுகாயம் அடைந்தனர்.
வேலூர் தனியார் ஆஸ்பத்திரியில் சேர்க்கப்பட்ட தி.மு.க பிரமுகர் ஹரி இன்று காலை சிகிச்சை பலனின்றி இறந்தார். இது குறித்து விரிஞ்சிபுரம் போலீசார் வழக்கு பதிவு செய்து விசாரணை நடத்தி வருகின்றனர்.
