திருச்சியில் வாலிபரிடம் கத்தி முனையில் செல்போன் பறிப்பு - 3 பேர் கைது

திருச்சி

திருச்சி கே.கே.நகர் தங்கையா நகரை சேர்ந்தவர் முகமது அஸ்மீர் (வயது 26). இவர் திருச்சி ரெனால்ட்ஸ் ரோட்டில் உள்ள ஒரு பங்க் அருகே நின்று கொண்டிருந்தார். அப்போது அங்கு வந்த 3 வாலிபர்கள் கத்தி முனையில் இவரிடம் பணம் மற்றும் செல்போனை பறித்துவிட்டு தப்பி சென்று விட்டனர்.

இது குறித்த புகாரின் பேரில் செசன்ஸ் கோர்ட் போலீஸ் இன்ஸ்பெக்டர் சியாமளா தேவி வழக்குப்பதிந்து, இது தொடர்பாக சதீஷ், ராஜசேகர் , ஜான் டைசன் ஆகிய 3 வாலிபர்களை கைது செய்தார். அவர்களிடமிருந்து செல்போன், பணம், கத்தி ஆகியவை பறிமுதல் செய்யப்பட்டது.

இதில் சதீஷ் மீது பாலக்கரை காவல் நிலையத்தில் 4 வழக்குகளும், ராஜசேகர் மீது பாலக்கரை, மதுரை காவல் நிலையங்களில் 6 வழக்குகளும், ஜான் டைசன் மீது திருவரம்பூர் காவல் நிலையத்தில் ஒரு வழக்கம் உள்ளது குறிப்பிடத்தக்கது.