அரசு பள்ளிக்கு ஸ்மார்ட் டிவி வழங்கிய தலைமை ஆசிரியர்

சேத்துப்பட்டு:

திருவண்ணாமலை, மாவட்டம் பெரணமல்லூர், அருகே உள்ள அல்லியந்தல் அரசு உயர்நிலைப் பள்ளி தலைமை ஆசிரியர் மாலவன் இவர் தமிழக அரசின் டாக்டர் ராதாகிருஷ்ணன் நல்லாசிரியர் விருதுக்கு தேர்வு செய்யப்பட்டு கடந்த 5-ம் தேதி சென்னையில் நடந்த விழாவில் இவருக்கு தமிழக அரசின்டாக்டர் ராதாகிருஷ்ணன் நல்லாசிரியர் விருது மற்றும் ரூபாய் 10, ஆயிரம் பரிசு தொகை வழங்கப்பட்டது.

இந்த நிலையில் தலைமையாசிரியர் மாலவன், தனக்கு வழங்கிய ரூ.10,000 பரிசு தொகை மற்றும் அவரது சொந்த பணம் ரூ.5000 சேர்த்து ரூபாய் 15,000 மதிப்புள்ள 43 இன்ச் ஸ்மார்ட் கலர் டிவியை 6-ம் வகுப்பு பள்ளி மாணவர்களின் கல்விக்காக வழங்கினார்.

நிகழ்ச்சியில் பள்ளி மேலாண்மை குழு தலைவர், துணைத் தலைவர், உறுப்பினர்கள், பெற்றோர் ஆசிரியர் கழக பொறுப்பாளர்கள், ஆசிரியர்கள் உட்பட பலர் கலந்து கொண்டனர்.