ஆரணி:
திருவண்ணாமலை மாவட்டம் ஆரணி அடுத்த இரும்பேடு ஊராட்சிக்குபட்ட ஏ.சி.எஸ்.நகரில் அமைந்துள்ள ஸ்ரீ வெங்கடஜலபதி கோவிலில் கடந்த 3 மாதத்திற்கு முன்பு திருமலை திருப்பதி தேவஸ்தான ஸ்ரீனிவாச திருக்கல்யாண வைபவம் நடைபெற்றது.
இதில் அதிக ஏராளமான பக்தர்கள் பங்கேற்றனர். கூட்டத்தை பயன் படுத்தி 9 பெண்களிடம் 30 பவுன் தாலி செயின்களை 2 பெண்கள் பறித்தனர்.
இதனையொடுத்து நகையை பறிகொடுத்த பெண்கள் ஆரணி தாலுகா போலீசில் புகார் அளித்தனர்.
புகாரின் பேரில் வழக்கு பதிவு செய்து விசாரணை நடத்திய போலீசார் திருச்சி மாவட்டம் சமயபுரம் பகுதியைச் சேர்ந்த சாந்தா மற்றும் மாரி ஆகிய இரண்டு பெண்களை கைது செய்தனர்.
போலீஸ் சூப்பிரண்டு கார்த்திகேயன் பரிந்துரையில் கலெக்டர் முருகேஷ் உத்தரவின் பேரில் போலீசார் 2 பெண்களையும்குண்டர் சட்டத்தில் கைது செய்து வேலூர் பெண்கள் சிறையில் அடைத்தனர்.
