மேட்டூர் அணை நீர்மட்டம் 103.70 அடியாக சரிவு

மேட்டூர்:

காவிரி நீர்ப்பிடிப்பு பகுதிகளில் பெய்யும் மழையை பொறுத்து ஒகேனக்கல் மற்றும் மேட்டூர் அணைக்கான நீர்வரத்து அதிகரிப்பதும் சரிவதுமாக உள்ளது.

ஒகேனக்கல் காவிரியில் நீர்வரத்து நேற்று விநாடிக்கு 2 ஆயிரம் கனஅடியாக இருந்தது. அதே சமயம், மேட்டூர் அணைக்கான நீர்வரத்து சரிந்துள்ளது.

நேற்று விநாடிக்கு 1,805 கன அடியாக இருந்த நீர்வரத்து, இன்று காலை விநாடிக்கு 1,341 கன அடியாக குறைந்தது. அணையில் இருந்து குடிநீர் தேவைக்காக, விநாடிக்கு 1,500 கனஅடி வீதம் தண்ணீர் திறக்கப்பட்டு வருகிறது. நீர்வரத்தை காட்டிலும், தண்ணீர் திறப்பு அதிகளவில் உள்ளதால், அணையின் நீர்மட்டம் சரிந்து வருகிறது. நேற்று 103.73 அடியாக இருந்த மேட்டூர் அணை நீர்மட்டம், இன்று காலை 103.70 அடியாக சரிந்தது.